കവിത
സീന ജോസഫ്
ലൈറ്റ്‌ഹൗസ്‌
ഏകാകികൾക്കൊരു
താജ്മഹൽ
ഉപ്പുകാറ്റിൽ
കടൽക്കാക്കകൾ
തുറമുഖങ്ങൾ
മങ്ങിയ മായക്കാഴ്ചകൾ
നെഞ്ചിൽ
കടലിന്റെ ഓംകാരം
ഓർമ്മകളുടെ
കടൽച്ചൊരുക്ക്
കപ്പൽപ്പായകളുടെ
സങ്കടപ്പിടച്ചിൽ
നീട്ടിയും
കുറുക്കിയും
നിഴലുകളെഴുതുന്നു
ദേശാടനങ്ങളുടെ
ഭൂപടപ്പകർപ്പുകൾ
പിരിയൻ
കോണിപ്പടികളിൽ
മണൽ തരികളുടെ
ചിത്രമെഴുത്ത്
പരിചിതമല്ലാത്ത
പാദമുദ്രകൾ
ആകാശച്ചെരുവിൽ
സൂര്യന്റെ ചായില്യം
പ്രതിഗമന തീരങ്ങളിൽ
ചിന്തകളുടെ വേലിയിറക്കം
ഇനി
കടലെടുക്കട്ടെ
മഷിതീർന്ന തൂലിക
ലിപി മാഞ്ഞൊരീ കടലാസും
…
ആത്മ ഓൺലൈൻ വാട്ട്സാപ്പിൽ ലഭിക്കാൻ ഇവിടെ ക്ലിക്ക് ചെയ്യുക
ആത്മ ഓൺലൈനിലേക്ക് നിങ്ങൾക്കും സൃഷ്ടികൾ അയക്കാം: (ഫോട്ടോയും ഫോണ്‍ നമ്പറും സഹിതം)
Email : editor@athmaonline.in
ആത്മ ഓൺലൈനിൽ പ്രസിദ്ധീകരിക്കുന്ന രചനകളിലെ അഭിപ്രായങ്ങൾ രചയിതാക്കളുടേതാണ്. അവ പൂർണമായും ആത്മയുടെ അഭിപ്രായങ്ങൾ ആകണമെന്നില്ല.