(കവിത)

ട്രൈബി പുതുവയൽ

എത്രയോ വട്ടം മനസ്സുകൊണ്ട് കുരിശേറ്റിയിട്ടാണ് ക്രിസ്തുവിന് ശരീരം കൊണ്ടൊരു കുരിശിലേറാൻ കഴിഞ്ഞത്..

എത്രയോ വട്ടം വെള്ളക്കാരന്റെ ബുള്ളറ്റുകൾ തുളവീഴ്ത്തിയിട്ടാണ് ഗാന്ധിക്ക് നെഞ്ചിലൊരു വർഗ വെറിയന്റെ വെടിയേൽക്കാൻ കഴിഞ്ഞത്..

എത്രയോ വട്ടം മനസ്സുകൊണ്ട് കാതങ്ങൾ സഞ്ചരിച്ചിട്ടാണ് , ഒരു രാത്രി സിദ്ധാർത്ഥന് കൊട്ടാരം വിട്ടു പോകാൻ കഴിഞ്ഞത്..

എത്രയോ വട്ടം വിശപ്പ് കടിച്ചു പറിച്ച് കൊന്നിട്ടാണ് , ഒരിക്കൽ ആൾക്കൂട്ടത്തിന് മധുവിനെ തല്ലി കൊല്ലാൻ കഴിഞ്ഞത്..

എത്രയോ വട്ടം ശയനമുറിയിൽ വെറുപ്പുകൊണ്ട് ശ്വാസം മുട്ടിച്ചിട്ടാണ്, ഒരു രാത്രി പാമ്പിൻ വിഷത്താൽ അവനവളെ കൊല്ലാൻ കഴിഞ്ഞത്..

എത്രയോ വട്ടം നമ്മോട്ക്ഷമിച്ചു വെന്നോർത്തിട്ടുവേണം മർത്ഥ്യാ
ഈ പ്രളയമഴക്കും കൊടുംചൂടിനും ഭൂമിയെ പ്രാകാൻ..

എത്രയോ വട്ടം ‘നിനക്ക് വട്ടാണ്..’
എന്ന് കേട്ടിട്ട് വേണം
ഈ ജീവിതവളയം നമുക്ക് വട്ടമെത്തിക്കാൻ…

ആത്മ ഓൺലൈൻ വാട്ട്സാപ്പിൽ ലഭിക്കാൻ ഇവിടെ ക്ലിക്ക് ചെയ്യുക

ആത്മ ഓൺലൈനിലേക്ക് നിങ്ങൾക്കും സൃഷ്ടികൾ അയക്കാം: (ഫോട്ടോയും ഫോണ്‍ നമ്പറും സഹിതം)
Email : editor@athmaonline.in

ആത്മ ഓൺലൈനിൽ പ്രസിദ്ധീകരിക്കുന്ന രചനകളിലെ അഭിപ്രായങ്ങൾ രചയിതാക്കളുടേതാണ്. അവ പൂർണമായും ആത്മയുടെ അഭിപ്രായങ്ങൾ ആകണമെന്നില്ല