(കവിത)
സുനിത ഗണേഷ്
ഒരു തീക്കനൽ ആണ്
ചില നേരം
മനസ്സ്…
നിനക്കറിയും എന്ന
ഉറപ്പിൽ
ഞാനുറച്ച് നിൽക്കുന്ന
മണ്ണിലും ചില നേരം
തീക്കട്ട ജ്വലിക്കാറുണ്ട്.
കാലു പൊള്ളുമ്പോൾ
നീയെന്ന ഉറപ്പ്
എൻ്റെയുള്ളിൽ നിന്നും
പൊള്ളിയടരുമോയെന്ന ഭയം!
അവിടെ നിന്നും
തത്ക്ഷണം ഓടിമാറും…
![](https://athmaonline.in/wp-content/uploads/2023/12/athma-online-12-2.jpeg)
ഉള്ളുറപ്പിനായി
കാലു തണുപ്പിക്കാൻ
ഇത്തിരി
തണലോ, വെള്ളമോ
ഉള്ളിടത്തേക്ക്…
പക്ഷേ,
വഴിയാകെ കനല്
പടരുന്നു.
നീയെന്ന ഉറപ്പ്!
ഉള്ളൂ പൊള്ളിയടരുന്നു.
ആത്മാവ് തീയിലമരുന്നു.
ആത്മ ഓൺലൈൻ വാട്ട്സാപ്പിൽ ലഭിക്കാൻ ഇവിടെ ക്ലിക്ക് ചെയ്യുക
ആത്മ ഓൺലൈനിലേക്ക് നിങ്ങൾക്കും സൃഷ്ടികൾ അയക്കാം: (ഫോട്ടോയും ഫോണ് നമ്പറും സഹിതം)
Email : editor@athmaonline.in
ആത്മ ഓൺലൈനിൽ പ്രസിദ്ധീകരിക്കുന്ന രചനകളിലെ അഭിപ്രായങ്ങൾ രചയിതാക്കളുടേതാണ്. അവ പൂർണമായും ആത്മയുടെ അഭിപ്രായങ്ങൾ ആകണമെന്നില്ല