ഹിമാലയ തടങ്ങളിലൂടെയും പഞ്ചനദീതടങ്ങളിലൂടെയും ലൂഷായി കുന്നുകളിലൂടെയുമുള്ള സഞ്ചാര അനുഭവസ്മൃതികൾ കോർത്തിണക്കി, കാലിക്കറ്റ്
യൂനിവേഴ്സിറ്റി മുൻ ഡപ്യൂട്ടി രജിസ്ട്രാർ ടി എം ഹാരിസ് രചിച്ച
‘ചിനാർതടങ്ങളും ദേവദാരുമരങ്ങളും’ എന്ന സഞ്ചാരകൃതിയുടെ രണ്ടാം പതിപ്പിൻ്റെ പ്രകാശനം ഇന്ന് (ആഗസ്റ്റ് 24). വൈകിട്ട് 5 മണിക്ക്, മാക്ബത് പബ്ലിക്കേഷൻസ്
ചീഫ് എഡിറ്റർ എം എ ഷഹനാസാണ് പ്രകാശനം നിർവഹിക്കുന്നത്. വന്യജീവി ഫോട്ടൊഗ്രാഫർ ശബരി ജാനകി പുസ്തകം ഏറ്റുവാങ്ങും.
ഫോട്ടൊഗ്രാഫി പ്രേമികൾ ചേർന്ന് രൂപീകരിച്ച ‘ലൈറ്റ് സോഴ്‌സ്’ സംഘടിപ്പിക്കുന്ന പ്രകാശന പരിപാടി, സ്റ്റേഡിയം ജംങ്ഷനിലുള്ള ന്യൂവേവ് ഫിലിം സ്കൂളിലാണ് അരങ്ങേറുന്നത്. യാത്രയും വായനയും ഫോട്ടോഗ്രഫിയും ഇഷ്ടപ്പെടുന്നവരുടെ ഈ ഒത്തുചേരലിൽ, എഴുത്തുകാരായ സൽമി സത്യാർത്ഥി, കെ.പി.എ സമദ് എന്നിവരും പങ്കാളികളാവും. പ്രശസ്ത ചലച്ചിത്ര സംവിധായകൻ ലാൽ ജോസ് ആണ് പുസ്തകത്തിന് അവതാരിക എഴുതിയത്. വിവിധ ഇന്ത്യൻ പ്രദേശങ്ങൾക്കു പുറമെ, ഏഷ്യയിലും യൂറോപ്പിലുമായി പതിനാറ് രാജ്യങ്ങളിലൂടെ സഞ്ചരിച്ചിട്ടുള്ള ഹാരിസിൻ്റെ രണ്ടാമത്തെ സഞ്ചാരകൃതി ‘വിയറ്റ്നാം സ്കെച്ചുകൾ’ അടുത്ത മാസം പുറത്തിറങ്ങും.
ആത്മ ഓൺലൈൻ വാട്ട്സാപ്പിൽ ലഭിക്കാൻ ഇവിടെ ക്ലിക്ക് ചെയ്യുക
ആത്മ ഓൺലൈനിലേക്ക് നിങ്ങൾക്കും സൃഷ്ടികൾ അയക്കാം: (ഫോട്ടോയും ഫോണ്‍ നമ്പറും സഹിതം)
Email : editor@athmaonline.in
ആത്മ ഓൺലൈനിൽ പ്രസിദ്ധീകരിക്കുന്ന രചനകളിലെ അഭിപ്രായങ്ങൾ രചയിതാക്കളുടേതാണ്. അവ പൂർണമായും ആത്മയുടെ അഭിപ്രായങ്ങൾ ആകണമെന്നില്ല.