അടുത്തറിയുതോറും അഴക് കൂടും മരങ്ങൾ

ഫോട്ടോസ്റ്റോറി

ശ്രീകുമാർ പി.കെ

ഫോട്ടോഗ്രഫിയുടെ പ്രാരംഭഘട്ടത്തിൽ 70-300mm ടെലിലെൻസ്‌ ഉപയോഗിച്ച് അകലെയുള്ളതിനെ ഒപ്പിയെടുക്കാനുള്ള ആവേശം ആയിരുന്നു. പിന്നീട് ആണ് തൊട്ടടുത്തുള്ളവയെ ശ്രദ്ധിക്കാൻ തുടങ്ങിയത്. ഫോട്ടോഗ്രാഫിയുടെ മറ്റൊരു തലം കൂടി അങ്ങനെ മനസ്സിലാക്കി. ദൂരെയുള്ളതിനേക്കാൾ അതിമനോഹരമാണ് അടുത്തുള്ളത്. മരങ്ങളിൽ കാണുന്ന ചില വിചിത്ര കാഴ്ചകൾ പിന്നീട് ശ്രദ്ധിച്ച് തുടങ്ങി. മനുഷ്യനുമായി ചില സാമ്യത മരങ്ങളിലും കണ്ടു. കണ്ണുകൾ, കയ്യുകൾ, കാലുകൾ. ഇവയെല്ലാം അറിഞ്ഞോ അറിയാതെയോ മരത്തിൽ വളർന്നു തുടങ്ങി. ആദ്യ കാഴ്ച്ചയിൽ സ്വഭാവികമെന്ന് തോന്നിയതിനെ പിന്നീടുള്ള നിരീക്ഷണത്തിൽ ആണ് കൂടുതൽ മനസ്സിലാക്കുന്നത്. ഫോട്ടോഗ്രാഫിയുടെ വീക്ഷണം മാറുന്നത് ഇങ്ങനെ അടുത്തുള്ളതിനെ കൂടുതൽ വീക്ഷിക്കുമ്പോഴാണ് എന്ന് ഇപ്പോൾ തിരിച്ചറിയുന്നു.