നേരം വൈകുന്ന നേരത്ത് -

ഫോട്ടോസ്റ്റോറി

രോശ്നി. കെ.വി

കുഞ്ഞുനാൾ മുതലേ വൈകുന്നേരയാത്രകൾ ഏറെ ഇഷ്ടമായിരുന്നു. പെട്ടെന്നുണ്ടാകുന്ന നിറഭേദങ്ങളുടെ ആകാശക്കാഴ്ചകൾക്ക് വല്ലാത്തൊരു ചന്തമാണ്. ഇളം കാറ്റുള്ള സന്ധ്യകൾ, കരയുന്ന എന്നെ വീണ്ടും കരയിക്കുകയും, ഇത്തിരി സന്തോഷങ്ങളിൽ കൂടെ ചേർത്ത് ചിരിപ്പിക്കുകയും ചെയ്തിട്ടുണ്ട്. പക്ഷേ, ആ കാഴ്ചകളിൽ ഒന്ന് മുങ്ങി നിവരുമ്പോഴേക്കും അവ അകന്നകന്ന് പോയിരിക്കും.. അവസാനിക്കാൻ പോകുന്ന ദിനത്തിന്, കടലിലേക്ക് താണുപോകുന്ന സൂര്യന്റെ അവസാന സമയത്തെ തിടുക്കമാണ്. വല്ലാത്തൊരു മുറുകെപ്പിടിക്കലും ശാന്തതയും മാത്രം ബാക്കിയാവും. കാഴ്ചകളിലെ ചില സന്ധ്യകളാണിവിടെ.. പലപ്പോഴായി പലയിടങ്ങളിൽ വെച്ച് മൊബൈലിലും ക്യാമറയിലുമായി പകർത്തിയവ. എന്റെ വൈകിയ ആ നേരങ്ങൾ ഇവിടെ ചേർത്തുവെക്കട്ടെ.
The arteria-photostory-rosni kv