സതീശൻ ഒ. പി. 

അതേ നഗരത്തിൽ
ഗബ്രിയേൽ എന്നു പേരായ
ഒരു വൃദ്ധനുണ്ടായിരുന്നു. 

ഒരാളുപോലും കൂട്ടില്ലാതെ
ദൈവങ്ങളെ അയാൾ
കല്ലിൽ കൊത്തിവച്ചു. 

മനസ്സിലേൽക്കുന്ന അകമുറിവുകൾക്കു 
തൊടാവുന്ന
മേൽമുറിവുകളേക്കാളാഴം
എന്നു നിരന്തരം പറഞ്ഞു.

കാലം കടന്നുപോകെ
തികച്ചും കാവ്യാത്മകമായി
എന്നാൽ
യാദ്രിശ്ചികമായി
കവിയും കൽപ്പണിക്കാരനും കണ്ടുമുട്ടി. 

ഹേ കൽപ്പണിക്കാരാ 
ജീവിതത്തിന്റെ പൊരുളെന്താണു 
കവി ചോദിച്ചു. 
തന്റെ ശിൽപ്പത്തിന്റെ 
അവസാന
മിനുക്കു പണിയിലായിരുന്ന വൃദ്ധൻ
ഉത്തരം പറയാനായവെ
മരിച്ചു വീണു. 

ഹേ വായനക്കാരാ 
എനി നിങ്ങളുടെ ഊഴമാണു 
ഒന്നുകിൽ 
മടിക്കാതെ ഉത്തരം പറയുക 
അല്ലെങ്കിൽ 
ഈ ചോദ്യം ചോദിച്ചു 
ആളുകളെ കൊല്ലുക .

ആത്മ ഓൺലൈനിലേക്ക് നിങ്ങൾക്കും കവിതകൾ അയക്കാം:
(ഫോട്ടോയും ഫോണ്‍ നമ്പറും സഹിതം)
8086451835 (WhatsApp)
nidhinvn@athmaonline.in