വിമൽ പുതിയ വീട്ടിൽ

20th May 2020

494

ചിത്രകാരൻ | കണ്ണൂർ

ചെറുപ്പകാലം മുതൽ ചിത്രകലാതൽപരനാണ് വിമൽ പുതിയ വീട്ടിൽ. കണ്ണൂർ ജില്ലയിൽ പിലാത്തറ അറത്തിൽ സ്വദേശി ഇ.കെ ഗോവിന്ദന്റെയും പിവി.രുഗ്മിണിയുടെയും രണ്ടാമത്തെ മകനായി 1989 ജനുവരി രണ്ടിന് ജനനം. സഹോദരൻ വിനേഷ് ജി അറത്തിൽ മജീഷ്യനാണ്. ഭാര്യ പ്രവ്യ വിമൽ. കുഞ്ഞിമംഗലം ഹൈസ്കൂളിലെ പ്രാഥമിക വിദ്യാഭ്യാസം. ആദ്യകാല വരകളൊക്കെ ശിക്ഷണമില്ലാതെയായിരുന്നു. കൺസ്ട്രക്ഷൻ മേഖലയിൽ ജോലി ചെയ്യാൻ ആരംഭിച്ചതോടെ ചിത്രരചനയ്ക്ക് താൽക്കാലിക വിരാമമായി. സോഷ്യൽ മീഡിയയുടെ വരവോടെ കൂടുതൽ ചിത്രങ്ങൾ കാണാനും ചിത്രകാരൻമാരെ പരിചയപ്പെടാനും കഴിഞ്ഞത് വിമലിന്റെ ചിത്രരചനാതാൽപര്യം വീണ്ടും ഉണർത്തി. പ്രകാശൻ പുത്തൂർ, വികാസ് കോവൂർ എന്നിവരെയാണ് വിമൽ ഗുരുസ്ഥാനത്തു കാണുന്നത്. അക്രിലിക്ക്, വാട്ടർ കളർ, ഓയിൽ പെയ്ന്റിംഗ് തുടങ്ങി മാധ്യമങ്ങളിലെല്ലാം വരയ്ക്കാൻ ഇഷ്ടപ്പെടുന്ന വിമൽ കഴിഞ്ഞ അഞ്ച് വർഷമായി ചുമർച്ചിത്രകലാരംഗത്ത് സജീവമാണ്. ലോക്ക്ഡൗൺ കാലത്ത് ബിയർ ബോട്ടിലിനകത്ത് വരച്ച ചിത്രങ്ങൾ ശ്രദ്ധേയമായിരുന്നു.