അരുണ്‍. കെ ഒഞ്ചിയം
കോഴിക്കോട്: ലോക വെറ്റിനറി ദിനത്തോടനുബന്ധിച്ച് കേരള ഗവണ്മെന്റ് വെറ്റിനറി ഓഫീസർസ് അസോസിയേഷൻ (KGVOA) ന്റെ നേതൃത്വത്തിൽ വിദ്യാർത്ഥികൾക്കായുള്ള ചിത്ര രചനാ മത്സരം സംഘടിപ്പിച്ചു. പൊതുജനങ്ങളും വെറ്റിനറി ഉദ്യോഗസ്ഥറും തമ്മിലുള്ള അകലം കുറയ്ക്കുക എന്ന ഉദ്ദേശത്തോടെയാണ് എല്ലാ വർഷവും ഏപ്രിലില്‍ KGVOA ലോക വെറ്റിനറി ദിനം ആഘോഷിക്കുന്നത്.
കോഴിക്കോട് ജില്ലയിൽ LP, UP, HS വിഭാഗങ്ങളിലെ 45ൽ പരം വിദ്യാർഥികൾ “ഓമന മൃഗം”, “മനുഷ്യനും മൃഗങ്ങളും”, “മൃഗങ്ങൾ ജീവിതോപ്പാതി” എന്നീ വിഷയങ്ങളിൽ നടന്ന ചിത്ര രചനാ മത്സരത്തിൽ പങ്കെടുത്തു. ജില്ലാടിസ്ഥാനത്തിൽ യോഗ്യത നേടുന്ന മത്സരാർത്ഥികൾ ഏപ്രിൽ അവസാന വാരം കോവളത്ത് വെച്ച് നടക്കുന്ന സംസ്ഥാന മത്സരത്തിൽ പങ്കെടുക്കും.
ഡോ. സുധീഷിന്റെ അധ്യക്ഷതയിൽ KGVOA കോഴിക്കോട് ജില്ലാ പ്രസിഡന്റ് ഡോ. വി. കെ സന്തോഷ് രചനാ മത്സരം ഉദ്ഘാടനം ചെയ്തു. ഡോ.വേലായുധ കുമാർ, ഡോ. അനീഷ് കുമാർ എന്നിവർ സംസാരിച്ചു.