ഗ്ലോബൽ സിനിമ വാൾ
മുഹമ്മദ് സ്വാലിഹ്
Film: The wild Pear Tree
Director: Nuri Bilge Ceylan
Language: Turkish
Year: 2018
തുര്‍ക്കിഷ് സംവിധായകന്‍ നൂറി ബില്‍ഗെ സെയ്‌ലാനിന്റെ 2018 ല്‍ പുറത്തിറങ്ങിയ സിനിമയാണ് ദ വൈല്‍ഡ് പിയര്‍ ട്രീ. ബിരുദപഠനം കഴിഞ്ഞ് നാട്ടിലെത്തുകയാണ് എഴുത്തുകാരനാവാന്‍ ആഗ്രഹിക്കുന്ന സിനാന്‍. തന്റെ ആദ്യപുസ്തകം പ്രസിദ്ധീകരിക്കാനായി ഫണ്ടിംഗിന് വേണ്ടി അന്വേഷിക്കുന്നുണ്ട് സിനാന്‍. നഗരത്തില്‍ നിന്നും ആധുനികതയില്‍ നിന്നും തീര്‍ത്തും വിപരീത സവിശേഷതകളുള്ള തന്റെ ഗ്രാമത്തില്‍, സിനാന്‍ കടുത്ത ഏകാന്തത അനുഭവിക്കുന്നുണ്ട്. ആ ഏകാന്തത ഒരു പരിധി വരെ പ്രത്യയശാസ്ത്രപരമാണ് എന്ന് പറയാം. ചൂതാട്ടക്കാരനായ തന്റെ പിതാവടക്കം ഗ്രാമത്തിലെ മിക്കവരും സിനാനെ മടുപ്പിക്കുന്നു.
അയാള്‍ തന്റെ ഗ്രാമത്തിലുള്ള പലരുമായും സുദീര്‍ഘമായ സംഭാഷണങ്ങള്‍ നടത്തുന്നു. അതില്‍ തന്റെ ബാല്യകാലസുഹൃത്തും മതപുരോഹിതന്മാരും പ്രശസ്തനായ ഒരു എഴുത്തുകാരനും വരെയുണ്ട്. സിനിമയുടെ തത്വശാസ്ത്രവും തത്വശാസ്ത്രപ്രശ്‌നങ്ങളും ഈ സംഭാഷണങ്ങളിലൂടെയും മനോഹരമായ ലാന്‍ഡ്സ്‌കേപ്പ് ഫ്രെയിമുകളിലൂടെയും സെയ്‌ലാന്‍ അവതരിപ്പിക്കുന്നു. ഒറ്റപ്പെടല്‍, വൈകാരികമായ അകല്‍ച്ച, പ്രത്യയശാസ്ത്രപ്രശ്‌നങ്ങള്‍, യുവത്വവും അനുഭവവും തമ്മിലുള്ള കലഹം തുടങ്ങിയ ആശയങ്ങള്‍ സിനിമ ചര്‍ച്ചചെയ്യുന്നു.
ആത്മ ഓൺലൈൻ വാട്ട്സാപ്പിൽ ലഭിക്കാൻ ഇവിടെ ക്ലിക്ക് ചെയ്യുക
ആത്മ ഓൺലൈനിലേക്ക് നിങ്ങൾക്കും സൃഷ്ടികൾ അയക്കാം: (ഫോട്ടോയും ഫോണ്‍ നമ്പറും സഹിതം)
Email : editor@athmaonline.in
ആത്മ ഓൺലൈനിൽ പ്രസിദ്ധീകരിക്കുന്ന രചനകളിലെ അഭിപ്രായങ്ങൾ രചയിതാക്കളുടേതാണ്. അവ പൂർണമായും ആത്മയുടെ അഭിപ്രായങ്ങൾ ആകണമെന്നില്ല.