രുചി

സുഷമ ബിന്ദു

കറിവേപ്പില പോലെ
പ്രണയത്തിൽനിന്ന്
പലപ്രാവശ്യം നിന്നെ
പുറത്തേയ്ക്കെറിയുന്നു.
നിന്റെ രുചിമാത്രം മതിയെ നിയ്ക്ക്.
രൂപമില്ലാത്ത
നിന്റെ സത്ത.

ശ്വാസം

മരണത്തിനു തൊട്ടുമുമ്പുള്ള നിമിഷത്തെ
ഞാൻ
നിന്റെ പേരുവിളിക്കും.
വേർപെടാനാവാതെ
അത്രയും ആഴത്തിൽ വലിയ്ക്കുന്ന
ശ്വാസത്തെ.

ചിത്രീകരണം: സുബേഷ് പത്മനാഭന്‍ 

ആത്മ ഓൺലൈനിലേക്ക് നിങ്ങൾക്കും കവിതകൾ അയക്കാം:
(ഫോട്ടോയും ഫോണ്‍ നമ്പറും സഹിതം)
8086451835 (WhatsApp)
nidhinvn@athmaonline.in