ഹസ്ന യഹ്‌യ

രാത്രിയുടെ ഈ ശാന്തത
എപ്പോഴും എന്നെ മോഹിപ്പിക്കുന്നു.

രാപളുങ്കിൻ
തുള്ളികൾ
കണ്ണുകളിൽ
ചുംബിക്കുന്നു.

എന്റെ ഹൃദയത്തിൽ
നിന്റെ നിലാവ്
പരക്കുന്നു.

പ്രണയം പറയുമ്പോൾ
നീ വിളിക്കുന്ന
ആ പേര്
എന്റെ പുസ്തത്തിൽ
നക്ഷത്രങ്ങൾ
എഴുതുന്നു.

പാരുറങ്ങുന്നേരം
നിന്നിലേക്ക്
ഒരിടവഴി
തുറക്കുന്നു.

രാപ്പൂക്കൾ
പരവതാനി
വിരിച്ചതിലൂടെ
എന്നെ നടത്തുന്നു.

നിന്നിലേക്ക്
ഞാനിതാ
അതിലൂടൊഴുകി
വരുന്നു.

…

ആത്മ ഓൺലൈനിലേക്ക് നിങ്ങൾക്കും സൃഷ്ടികൾ അയക്കാം: (ഫോട്ടോയും ഫോണ്‍ നമ്പറും സഹിതം) editor@athmaonline.in

ആത്മ ഓൺലൈനിൽ പ്രസിദ്ധീകരിക്കുന്ന രചനകളിലെ അഭിപ്രായങ്ങൾ രചയിതാക്കളുടേതാണ്. അവ പൂർണമായും ആത്മയുടെ അഭിപ്രായങ്ങൾ ആകണമെന്നില്ല.