സംസ്ഥാന സർക്കാരിന്റെ പരമോന്നത സാഹിത്യ ബഹുമതിയായ എഴുത്തച്ഛൻ പുരസ്‌കാരത്തിന് സേതു അർഹനായി. മലയാളസാഹിത്യത്തിനേകിയ സമഗ്രസംഭാവനകൾ കണക്കിലെടുത്താണ് പുരസ്‌കാരം. സാംസ്‌കാരിക വകുപ്പ് മന്ത്രി വി.എൻ വാസവനാണ്, കോട്ടയത്ത്‌ നടത്തിയ വാർത്താ സമ്മേളനത്തിലൂടെ പുരസ്‌കാരവിവരം പ്രഖ്യാപിച്ചത്. അഞ്ച് ലക്ഷം രൂപയും ശില്പവും പ്രശസ്തിപത്രവും അടങ്ങുന്നതാണ് പുരസ്‌കാരം.
പുതുതലമുറയ്ക്ക് പ്രചോദനമേകുന്നൊരു പാഠപുസ്തകമാണ് സേതുവിന്റെ ജീവിതാനുഭവങ്ങൾ എന്നായിരുന്നു പുരസ്‌കാരസമിതിയുടെ നിരീക്ഷണം. കഥ, നോവൽ വിഭാഗങ്ങളിലായി മുപ്പത്തിയഞ്ചിലേറെ കൃതികൾ രചിച്ച സേതുവിന്, ‘പാണ്ഡവപുരം’, ‘പേടിസ്വപ്നങ്ങൾ’ എന്നീ കൃതികൾക്ക് കേരള സാഹിത്യ അക്കാദമി പുരസ്കാരവും, ‘ചേക്കുട്ടി”ക്ക് കേന്ദ്ര സാഹിത്യ അക്കാദമിയുടെ ബാലസാഹിത്യ പുരസ്കാരവും ലഭിച്ചു. കെ. സച്ചിദാനന്ദൻ, പ്രൊഫസർ എം. കെ സാനു, വൈശാഖൻ, ഡോ. എംവി നാരായണൻ, റാണി ജോർജ്ജ് ഐഎഎസ് എന്നിവർ ചേർന്ന പുരസ്‌കാരസമിതിയാണ് ജേതാവിനെ തിരഞ്ഞെടുത്തത്
ആത്മ ഓൺലൈൻ വാട്ട്സാപ്പിൽ ലഭിക്കാൻ ഇവിടെ ക്ലിക്ക് ചെയ്യുക
ആത്മ ഓൺലൈനിലേക്ക് നിങ്ങൾക്കും സൃഷ്ടികൾ അയക്കാം: (ഫോട്ടോയും ഫോണ്‍ നമ്പറും സഹിതം)
Email : editor@athmaonline.in
ആത്മ ഓൺലൈനിൽ പ്രസിദ്ധീകരിക്കുന്ന രചനകളിലെ അഭിപ്രായങ്ങൾ രചയിതാക്കളുടേതാണ്. അവ പൂർണമായും ആത്മയുടെ അഭിപ്രായങ്ങൾ ആകണമെന്നില്ല
