സുനിത ഗണേഷിന്റെ ശാസ്ത്ര നോവലായ “ഭംഗാറുകളുടെ ലോകം” പ്രകാശനത്തിന് ഒരുങ്ങുന്നു. മെയ്‌ 25-ന് 3 മണിക്ക് പാലക്കാട് ലൈബ്രറി കൗൺസിൽ പുസ്തക മേളയില്‍ വെച്ച് പ്രകാശനം ചെയ്യും.
പ്രപഞ്ചത്തിന്റെ അപാരതകളിലേക്ക് കണ്ണുംനട്ട് നില്‍ക്കുന്ന സങ്കീർണമായ ആധുനിക ശാസ്ത്രവും പൂരിപ്പിക്കപ്പെടാത്ത സമസ്യകങ്ങളായി മനുഷ്യ മനസ്സിനെ ചൂഴ്ന്നു നിൽക്കുന്ന മഹാസ്വപ്നങ്ങളും ചേർന്ന് സൃഷ്ടിച്ച ഭ്രമാത്മകലോകമാണ് ഭംഗാറുകളുടേത്. മലയാളത്തിൽ മൗലികമായ ശാസ്ത്രകൃതികൾ കുറഞ്ഞു വരുന്ന ഇക്കാലത്ത് ചിന്തകൊണ്ടും ഭാവനകൊണ്ടും വായനയിൽ പുതിയ ആകാശവും പുതിയ ഭൂമിയും സൃഷ്ടിക്കാൻ സുനിതയ്ക്ക് ആയിട്ടുണ്ട്.
