ഏപ്രില്‍ 10 മുതല്‍ 17വരെ ആലപ്പുഴ ശങ്കരമംഗലത്ത് നടന്നു വരുന്ന തകഴി സാഹിത്യോത്സവത്തിന്റെ ഭാഗമായുള്ള ചലച്ചിത്രോത്സവം ആരംഭിച്ചു. ഗാനരചയിതാവ് രാജീവ് ആലുങ്കല്‍ പരിപാടി ഉദ്ഘാടനം ചെയ്തു. ജയരാജ് സംവിധാനം നിര്‍വഹിച്ച ഒറ്റാലാണ് ആദ്യ ചിത്രമായി പ്രദര്‍ശിപ്പിച്ചത്. ‘തകഴിയും സിനിമയും’ എന്ന വിഷയത്തില്‍ നിരൂപക ഷാമില ഷൂജ പ്രഭാഷണം നടത്തി. നടനും സംവിധായകനുമായ ഡോ. രാം പ്രസാദ് ചടങ്ങില്‍ അധ്യക്ഷത വഹിച്ചു. സംവിധായകന്‍ എന്‍.എന്‍ ബൈജു, ടി.മുരളീധരന്‍, ജിജോ ജോസഫ് തുടങ്ങിയവര്‍ പ്രസംഗിച്ചു.