ഫോട്ടോസ്റ്റോറി
രുദ്ര സമംഗ
നമുക്ക് കാണാൻ കഴിയാവുന്ന ഏറ്റവും നിഗൂഢമായ വസ്തു മനുഷ്യർ തന്നെ ആണ്. അവരെക്കാൾ നിഗൂഢത പേറുന്ന മറ്റൊരു ശക്തിയെയും ഈ ലോകത്ത് സൃഷ്ടിച്ചിട്ടില്ല. അനേകം ചിന്തകൾ തലയിലും,മനസ്സിലും ഓടിക്കൊണ്ടിരിക്കുമ്പോഴും മുഖത്ത് വിരിയുന്ന ഭാവം മറ്റൊന്നായിരിക്കും, അവരുടെ സംസാരം മറ്റൊന്നായിരിക്കും, പ്രവൃത്തികൾ പാടെ മാറ്റം ഉള്ളവയായിരിക്കും. ഒരു മനുഷ്യനെ പൂർണമായി മനസ്സിലാക്കുക എന്നത് ഇന്നും ഉത്തരമില്ലാത്ത ചോദ്യം ആണ്. എപ്പോഴൊക്കെയോ നടന്ന വഴികളിൽ ,ഞാൻ നിരീക്ഷിച്ച,എന്റെ നോട്ടങ്ങൾ പതിഞ്ഞ ,ഒരുപക്ഷേ നമ്മൾ അറിയാത്ത ഒരുപാട് ചിന്തകളും, ജീവിതങ്ങളും തലച്ചോറിലും, മനസ്സിലും ഒളിപ്പിച്ചു വച്ച ,കണ്ണുകൾക്ക് നിസ്സാരമായി തോന്നുന്ന ചില മനുഷ്യരെ എന്റെ മൊബൈൽ ക്യാമറ വഴി പരിചയപ്പെടുത്തുന്നു. നിഗൂഢമായ ജീവിതങ്ങൾ പേറുന്ന ചെറിയ വലിയ മനുഷ്യർ.