Homeപുരസ്കാരങ്ങൾഎൻ.സി. ശേഖർ പുരസ്കാരം നിലമ്പൂർ ആയിഷയ്ക്ക് 

എൻ.സി. ശേഖർ പുരസ്കാരം നിലമ്പൂർ ആയിഷയ്ക്ക് 

Published on

spot_imgspot_img

പ്രമുഖ സ്വാതന്ത്ര്യസമരസേനാനിയും  കേരളത്തിലെ കമ്മ്യൂണിസ്റ്റ് പ്രസ്ഥാനത്തിന്റെ സ്ഥാപകനേതാക്കളിൽ ഒരാളും പാർലമെന്റേറിയനും എഴുത്തുകാരനുമായിരുന്ന എൻ.സി ശേഖറിന്റെ സ്മരണാർത്ഥം ഏർപ്പെടുത്തിയ എൻ.സി. ശേഖർ പുരസ്കാരത്തിന് പ്രശസ്ത നടിയും സാംസ്കാരിക പ്രവർത്തകയുമായ നിലമ്പൂർ ആയിഷയെ പുരസ്കാര സമിതി തെരഞ്ഞെടുത്തു. കണ്ണൂർ ആസ്ഥാനമായി പ്രവർത്തിക്കുന്ന എൻ.സി ശേഖർ ഫൗണ്ടേഷനാണ് പുരസ്കാരം ഏർപ്പെടുത്തിയിരിക്കുന്നത്. പതിനാലാമത് എൻ.സി ശേഖർ പുരസ്കാരമാണ് നിലമ്പൂർ ആയിഷക്ക് നൽകുന്നത്. അമ്പതിനായിരം രൂപയും ബഹുമതി പത്രവും അടങ്ങുന്നതാണ് പുരസ്കാരം. ഡിസംബർ നാലിന് മഞ്ചേരിയിൽ നടക്കുന്ന ചടങ്ങിൽ പുരസ്കാരം സമ്മാനിക്കും. 

ഒരു സാധാരണ ഗ്രാമീണ മുസ്ലിം പെൺകുട്ടിയിൽ നിന്ന് കേരളത്തിന്റെ സാംസ്കാരിക ജീവിതത്തെ അഗാധമായി സ്വാധീനിച്ച അസാധാരണ ജീവിതമാണ് നിലമ്പൂർ ആയിഷയുടേതെന്ന് പുരസ്കാര സമിതി വിലയിരുത്തി. പൗരോഹിത്യ യാഥാസ്ഥിതിക ശക്തികൾ കെട്ടിപ്പൊക്കിയ മേൽക്കോയ്മയെ കീഴ്മേൽ മറിച്ച പ്രതിബോധം ഉയർത്തിക്കൊണ്ടു വന്നു എന്നതാണ് നടി എന്ന നിലയിലും സാംസ്കാരിക പ്രവർത്തക എന്ന നിലയിലും ആയിഷയുടെ പ്രസക്തി. ആ പ്രാധാന്യം വർത്തമാന കാലത്തും നിലനിൽക്കുന്നു എന്നതിനാലാണ് ബാല്യകാലത്ത് അരങ്ങിലെത്തിയ ആയിഷ പ്രായം എൺപത് പിന്നിട്ടിട്ടും നമ്മുടെ സാംസ്കാരിക മുന്നണിയുടെ മുൻപന്തിയിൽ തന്നെ നില കൊള്ളുന്നത്. ഇത് മാനിച്ചാണ് 2019 ലെ എൻ.സി ശേഖർ പുരസ്കാരം അവർക്ക് സമർപ്പിക്കുന്നത്. മികച്ച സഹനടിക്കുള്ള സംസ്ഥാന ചലച്ചിത്ര പുരസ്കാരം (2011), സംഗീത നാടക അക്കാദമി അവാർഡ്, പ്രേംജി അവാർഡ് ഉൾപ്പെടെ നിരവധി പുരസ്കാരങ്ങൾക്ക് നിലമ്പൂർ ആയിഷ അർഹയായിട്ടുണ്ട്. 

2006 മുതലാണ് എൻ.സി. ശേഖർ പുരസ്കാരം നൽകി വരുന്നത്. 2018 ൽ സഖാവ് വി.എസ് അച്ച്യുതാനന്ദനാണ് പുരസ്കാരം സമർപ്പിച്ചത്. എം.വി. ഗോവിന്ദൻ മാസ്റ്റർ, എൻ പ്രഭാവർമ്മ, ഡോ. വി.പി മുസ്തഫ, ഇടയത്ത് രവി എന്നിവർ ഉൾപ്പെടുന്ന സമിതിയാണ് പുരസ്കാര ജേതാവിനെ തെരഞ്ഞെടുത്തത്.

spot_img

LEAVE A REPLY

Please enter your comment!
Please enter your name here

Latest articles

പരാജയങ്ങളില്‍ നിന്ന് വിജയങ്ങളിലേക്ക് കുതിക്കാന്‍ ക്യാപ്റ്റനോളം മറ്റാര്‍ക്കും സാധിക്കില്ല

(ലേഖനം) നിധിന്‍ വി.എന്‍. തൊണ്ണൂറികളില്‍ തമിഴകത്തിന്റെ ആക്ഷന്‍ ഐക്കണായി മാറിയ താരമായിരുന്നു വിജയകാന്ത്. തമിഴകത്തിന്റെ ക്യാപ്റ്റന്‍ എന്നേക്കുമായി വിടവാങ്ങുമ്പോള്‍ തമിഴ് സിനിമയ്ക്കും...

ബോസ് എന്ന സമ്പന്ന ഹൃദയൻ

(ലേഖനം) സുബൈർ സിന്ദഗി പാവിട്ടപ്പുറം സോഷ്യല്‍ മീഡിയകളില്‍ നിറഞ്ഞു നില്‍ക്കുന്ന ഒട്ടേറെ പ്രഗത്ഭരായ വ്യക്തികളുടെ വീഡിയോകളും, വാര്‍ത്തകളും റീല്‍സും മറ്റും കാണാനിടയായിട്ടുണ്ട്....

ജനാധിപത്യത്തെ കൂട്ടക്കശാപ്പ്‌ ചെയ്യാൻ അനുവദിക്കരുത്

(ലേഖനം) സഫുവാനുൽ നബീൽ ടി.പി. ലോകത്തെ ഏറ്റവും വലിയ ജനാധിപത്യ രാജ്യമാണ് ഇന്ത്യം. ആ ഇന്ത്യയിലാണ് ജനങ്ങള്‍ തിരഞ്ഞെടുത്ത ലോക്‌സഭയിലെ 95...

കുസ്റ്റോറിക്കയുടെ അരയന്നങ്ങള്‍

ആത്മാവിന്റെ പരിഭാഷകൾ (സിനിമ കവിത, സംഗീതം) part 2 ഭാഗം 41 ഡോ. രോഷ്നി സ്വപ്ന   ഡോ. രോഷ്നി സ്വപ്ന 'പുഴയൊഴുകിയ വഴിനോക്കി തോണിക്കാരനിരിക്കുന്നു. പക്ഷിയുടെ നെഞ്ചു പോലെ അത്ര മൃദുലമായ് അവന്റെ...

More like this

പരാജയങ്ങളില്‍ നിന്ന് വിജയങ്ങളിലേക്ക് കുതിക്കാന്‍ ക്യാപ്റ്റനോളം മറ്റാര്‍ക്കും സാധിക്കില്ല

(ലേഖനം) നിധിന്‍ വി.എന്‍. തൊണ്ണൂറികളില്‍ തമിഴകത്തിന്റെ ആക്ഷന്‍ ഐക്കണായി മാറിയ താരമായിരുന്നു വിജയകാന്ത്. തമിഴകത്തിന്റെ ക്യാപ്റ്റന്‍ എന്നേക്കുമായി വിടവാങ്ങുമ്പോള്‍ തമിഴ് സിനിമയ്ക്കും...

ബോസ് എന്ന സമ്പന്ന ഹൃദയൻ

(ലേഖനം) സുബൈർ സിന്ദഗി പാവിട്ടപ്പുറം സോഷ്യല്‍ മീഡിയകളില്‍ നിറഞ്ഞു നില്‍ക്കുന്ന ഒട്ടേറെ പ്രഗത്ഭരായ വ്യക്തികളുടെ വീഡിയോകളും, വാര്‍ത്തകളും റീല്‍സും മറ്റും കാണാനിടയായിട്ടുണ്ട്....

ജനാധിപത്യത്തെ കൂട്ടക്കശാപ്പ്‌ ചെയ്യാൻ അനുവദിക്കരുത്

(ലേഖനം) സഫുവാനുൽ നബീൽ ടി.പി. ലോകത്തെ ഏറ്റവും വലിയ ജനാധിപത്യ രാജ്യമാണ് ഇന്ത്യം. ആ ഇന്ത്യയിലാണ് ജനങ്ങള്‍ തിരഞ്ഞെടുത്ത ലോക്‌സഭയിലെ 95...