മുഖങ്ങൾ എന്ന പേരിൽ കോഴിക്കോട് ലളിതകലാ അക്കാദമി ആർട്ട് ഗ്യാലറിയിൽ ചിത്ര പ്രദർശനം ആരംഭിച്ചു. അക്രിലിക് പെയ്ന്റിംഗും ഓയിൽ പെയ്ന്റിംഗും ഏറെ ഇഷ്ടപ്പെടുന്ന അഖിലയുടെ മുഖങ്ങൾ എന്ന വിഷയത്തിലുള്ള ചിത്രങ്ങളാണ് പ്രദർശിപ്പിക്കുന്നത്. ചിത്രശലഭവും മിഴികളും അതിമനോഹരമായി ഒരു ഫ്രെയ്മിൽ സന്നിവേശിപ്പിച്ച ചിത്രം ഉൾപ്പെടെ നിരവധി ചിത്രങ്ങളാണ് പ്രദർശനത്തിനൊരുക്കിയിരിക്കുന്നത്. രൂപം എന്നതിലുപരി വർണവിന്യാസങ്ങളിലൂടെ ഒരുക്കുന്ന ഭാവങ്ങളാണ് കാൻവാസിൽ മുഖങ്ങൾ സൃഷ്ടിക്കുന്നത്. കവിയും ചിത്രകാരനുമായ യു.കെ.രാഘവൻ മാസ്റ്റരുടെ അദ്ധ്യക്ഷതയിൽ ആഗസ്റ്റ് 23 ന് ചിത്രകാരൻ മദനൻ പ്രദർശനത്തിന്റെ ഉദ്ഘാടനം നിർവഹിച്ചു. പ്രദർശനം ആഗസ്റ്റ് 25 ന് അവസാനിക്കും.
