തിരുവനന്തപുരം : മാധവ മഠം സി.വി. എന്‍ കളരി സ്ഥാപകന്‍ സര്‍വ്വശ്രീ രാമചന്ദ്രന്‍ ഗുരുക്കളുടെ 6ാം ഓര്‍മ്മക്കൂട്ടായ്മയും സിമ്പോസിയവും ഇന്ന് (25.09.2019) ന് മന്ത്രി കെ.കെ ശൈലജ ടീച്ചര്‍ 11 മണിയ്ക്ക് ഉദ്ഘാടനം ചെയ്യും. ഭാരത് ഭവന്‍ മെമ്പര്‍ സെക്രട്ടറി പ്രമോദ് പയ്യന്നൂരിന്‍റെ അദ്ധ്യക്ഷതയില്‍ നടക്കുന്ന ചടങ്ങില്‍ മുന്‍ ആയുര്‍വേദ കോളേജ് പ്രിന്‍സിപ്പല്‍ പി.കെ മോഹന്‍ലാല്‍, ശ്രീമതി കാവാലം ശാരദാമണി, സത്യനാരായണ ഗുരുക്കള്‍ എന്നിവരെ ആദരിക്കും. സ്പെയിനില്‍ നിന്നും കേരളത്തിലെത്തി വര്‍ഷങ്ങളായി കളരി പരിശീലിക്കുന്ന മാന്വല്‍ അല്‍ക്കല അല്‍ബറാനും, ഡോ. ഗൗതമനും, മാധവമഠം കളരി സംഘവും ചേര്‍ന്ന് വിവിധ കളരി സമ്പ്രദായങ്ങള്‍ അവതരിപ്പിക്കും. തുടര്‍ന്ന് കേരളത്തിന്‍റെ സാംസ്കാരിക ആരോഗ്യ പാരമ്പര്യത്തില്‍ കളരിപ്പയറ്റിനുള്ള സ്വാധീനം എന്ന വിഷയത്തില്‍ സിമ്പോസിയവും നടക്കും. രാവിലെ 9 മുതല്‍ ഉച്ച വരെയാണ് പ്രോഗ്രാം ഷെഡ്യൂള്‍ ചെയ്തിരിക്കുന്നത്.
