തൃശൂര്‍: കേരള സാഹിത്യ അക്കാദമി, കേരള സര്‍ക്കാര്‍ സാംസ്‌കാരിക വകുപ്പ് എന്നിവരുടെ ആഭിമുഖ്യത്തില്‍ എഴുത്തരങ്ങ്‌ സംസ്കാരികോത്സവവും ദേശീയ പുസ്തകോത്സവവും സംഘടിപ്പിക്കുന്നു. ഫെബ്രവരി 1 മുതല്‍ 10 വരെ തൃശൂര്‍ സാഹിത്യ അക്കാദമി അങ്കണത്തില്‍ വെച്ചാണ് മേള. സെമിനാര്‍, കവി സമ്മേളനം, ഗസല്‍, പുസ്തക പ്രകാശനം, കലാസാഹിത്യ മത്സരങ്ങള്‍, കാവ്യാലാപനം, ഷഹബാസ് പാടുന്നു, കോല്‍ക്കളി, വട്ടപാട്ട്, നാടകങ്ങള്‍, നൃത്തം, സംഗീത നിശകള്‍, തമിഴ് നാടോടി ഗാനങ്ങള്‍, സാംസ്‌കാരിക പ്രദര്‍ശനം തുടങ്ങി നിരവധി ആകര്‍ഷണങ്ങള്‍ ആണ് പത്ത് ദിവസങ്ങളിലായി തൃശൂരില്‍ ഒരുക്കിയിട്ടുള്ളത്.
