Homeകവിതകൾകടലെടുത്തത്

കടലെടുത്തത്

Published on

spot_img

കവിത

അർച്ചന      

അങ്ങനെ ഒരു ദിവസം
അവർ ഒരേ കടലിൻറെ
രണ്ടതിരിൽ ചെന്നിരിക്കുന്നു.
അതിലെ അവൾ തിരകളെ ചുരുട്ടി
എതിരേക്ക് കാതോർക്കുന്നു.
അവർ തുഴഞ്ഞൊഴുകിയ
കടലാസു തോണികളെ തിരയുന്നു.
കടലിന്റെ ടച്ച് സ്ക്രീനിൽ
മീനുകൾ കൊണ്ടെഴുതി വച്ച
പ്രണയഗീതങ്ങൾ ഉരസി നോക്കുന്നു.
ആഴങ്ങളിലേക്ക് നൂണ്ടിറങ്ങി കഥകളെഴുതിയ
ഇച്ചൂളി തൊണ്ടുകൾ നുണച്ചിറക്കുന്നു .
തിരയവളെ തീരത്തേക്ക് വലിച്ചെറിയുന്നു.
കൈ നിറയെ ഉടൽ മണമുള്ള ചെതുമ്പൽ.

തിര മുറിയുമ്പോൾ ഒരു കടൽ
ദൂരെക്ക് വീണ്ടും ചൂഴ്ന്നിറങ്ങുന്നു.
അയാൾ തന്നെ കുറിച്ച് പാടുകയാണെന്നും എഴുതുകയാണെന്നും
അടർന്നു വന്ന മീൻകണ്ണിനോട് നുണ പറയുന്നു.

കവിതകളെഴുതി തേങ്ങാ കൊട്ടിലാക്കി അക്കരേക്കൊഴുക്കുന്നു.
കരയെ കടലെടുത്ത രാത്രിയിൽ
ഉച്ചത്തിലൊരു ശംഖൂതി അയാൾ കേൾക്കാൻ ശഠിക്കുന്നു.

അവരൊരുമിച്ച ഒഴുക്കുകൾ
കടലമ്മയോട് കിതച്ച് പാടുന്നു.
കേൾക്കാണ്ടായാൽ നീ തോറ്റവളെന്നെഴുതി
അവിടുന്നും കുതറിമാറുന്നു.

കടലിനക്കരെ അയാളൊന്നുമറിഞ്ഞില്ല.
കടലിനക്കരെ അയാൾ കടലോ കരയോ കണ്ടില്ല .
അയാൾക്കവിടെ ആകാശം നിറയെ നക്ഷത്രം.

ഒടുവിലവൾ കടലിലോട്ടെടുത്തു ചാടി.
തിരയെഴുതിയ കഥകളിൽ
തട്ടി ഒരു ശവം അക്കരെയെത്തി.
അയാൾ വീണ്ടുമെഴുതി
കഥകളില്ലാത്ത തിരകളുടെ കടലാണു നമ്മൾ .
കടലറിയാതെ പോയ തിരകളുടെ കഥകൾ.

ആത്മ ഓൺലൈനിലേക്ക് നിങ്ങൾക്കും സൃഷ്ടികൾ അയക്കാം: (ഫോട്ടോയും ഫോണ്‍ നമ്പറും സഹിതം) [email protected], WhatsApp : 80 788 16827

ആത്മ ഓൺലൈനിൽ പ്രസിദ്ധീകരിക്കുന്ന രചനകളിലെ അഭിപ്രായങ്ങൾ രചയിതാക്കളുടേതാണ്. അവ പൂർണമായും ആത്മയുടെ അഭിപ്രായങ്ങൾ ആകണമെന്നില്ല.

Latest articles

4K മികവോടെ സ്ഫടികമെത്തുന്നു

മലയാളി മറക്കാത്ത മാസ്സ് കഥാപാത്രങ്ങളുടെ ലിസ്റ്റെടുത്താൽ, ആടുതോമയതിൽ മുൻനിരയിൽ തന്നെ കാണും. 1995 ൽ,സ്വന്തം കഥയിൽ ഭദ്രൻ സംവിധാനം...

രോമാഞ്ചം

സിനിമ സുർജിത്ത് സുരേന്ദ്രൻ ഒരു ട്രെയ്‌ലർ പോലും കാണാതെ, തീർത്തും അപ്രതീക്ഷിതമായി കണ്ട ഒരു പടം. സൗബിനേയും അർജുൻ അശോകനെയും സജിൻ...

വാണി ജയറാം അന്തരിച്ചു

ഇന്ത്യൻ സിനിമയിലെ സുന്ദരശബ്ദങ്ങളിലൊന്ന് വിടപറഞ്ഞു. രാജ്യം പത്മഭൂഷൺ നൽകി ആദരിച്ച സിനിമാ പിന്നണി ഗായിക വാണി ജയറാം അന്തരിച്ചു.78...

തിരസ്കൃതന്റെ സാക്ഷ്യപത്രമെത്തുന്നു

പ്രേക്ഷകനോട് സംവദിക്കാൻ ഏകാംഗനാടകത്തോളം മികച്ച മറ്റൊരു കലാരൂപമില്ല. വിവിധ ഭാവങ്ങളിലേക്ക് അനുമാത്രം മിന്നിമാറാൻ കെല്പുള്ള ഒരു അഭിനേതാവിന് മാത്രമേ...

More like this

4K മികവോടെ സ്ഫടികമെത്തുന്നു

മലയാളി മറക്കാത്ത മാസ്സ് കഥാപാത്രങ്ങളുടെ ലിസ്റ്റെടുത്താൽ, ആടുതോമയതിൽ മുൻനിരയിൽ തന്നെ കാണും. 1995 ൽ,സ്വന്തം കഥയിൽ ഭദ്രൻ സംവിധാനം...

രോമാഞ്ചം

സിനിമ സുർജിത്ത് സുരേന്ദ്രൻ ഒരു ട്രെയ്‌ലർ പോലും കാണാതെ, തീർത്തും അപ്രതീക്ഷിതമായി കണ്ട ഒരു പടം. സൗബിനേയും അർജുൻ അശോകനെയും സജിൻ...

വാണി ജയറാം അന്തരിച്ചു

ഇന്ത്യൻ സിനിമയിലെ സുന്ദരശബ്ദങ്ങളിലൊന്ന് വിടപറഞ്ഞു. രാജ്യം പത്മഭൂഷൺ നൽകി ആദരിച്ച സിനിമാ പിന്നണി ഗായിക വാണി ജയറാം അന്തരിച്ചു.78...