HomePHOTOGRAPHYതോട്ടോഗ്രഫി 2

തോട്ടോഗ്രഫി 2

Published on

spot_img

തോട്ടോഗ്രഫി 2

പ്രതാപ് ജോസഫ്

“a good photograph is knowing where to stand”
Ansel Adams

നിൽപ്പ്‌ വെറും നിൽപ്പല്ല, നിലപാടുകൂടിയാണ്‌. എവിടെ നിൽക്കണം/ എന്ത് നിലപാടെടുക്കണം എന്നറിയുന്നതാണ്‌ ജീവിതത്തിലെയും ഏറ്റവും അനിവാര്യമായ അറിവ്‌. ഫോട്ടോഗ്രഫിയും നിങ്ങളോട്‌ ആവശ്യപ്പെടുന്നത്‌ അതു തന്നെയാണ്‌. നിൽക്കാൻ പഠിച്ചാൽ എല്ലാമായി എന്നു പറയാം. എത്ര വീണിട്ടാണ്‌ നാമോരോരുത്തരും നിൽക്കാൻ പഠിച്ചത്‌ എന്നാലോചിച്ചാൽ അതിന്റെ ബുദ്ധിമുട്ട്‌ മനസ്സിലാവും. എവിടെ നിൽക്കണം എന്നറിയണമെങ്കിൽ വിഷയത്തെക്കുറിച്ചുള്ള ആഴത്തിലുള്ള അറിവ്‌ ആവശ്യമാണ്‌. ക്രിക്കറ്റ്‌ കളി അറിയാത്ത ഒരാൾ ആ കളി പകർത്താൻ പോയാൽ എങ്ങനെ ഉണ്ടാവും. ആദ്യം അയാൾ കളി നിയമങ്ങൾ പഠിക്കേണ്ടിവരും. എന്നാലേ അയാൾക്ക്‌ എവിടെ നിന്നാൽ മികച്ച ഫോട്ടോയെടുക്കാൻ കഴിയും എന്ന് മനസ്സിലാവുകയുള്ളു. ഫോട്ടോഗ്രഫിയിലെ ഏതൊരു വിഷയവും അങ്ങനെ തന്നെയാണ്‌. വെളിച്ചം, മഴ, കാറ്റ്‌, ജീവികളുടെയും മനുഷ്യരുടെയും പ്രകൃതം; പെരുമാറ്റരീതികൾ അതൊക്കെ അറിയുന്ന ഒരാൾക്കേ ഒരിമേജ്‌ ഭാവന ചെയ്യാൻ കഴിയൂ. ഫോട്ടോഗ്രഫി പലപ്പോഴും സംഭവിച്ചുകൊണ്ടിരിക്കുന്നതിന്റെ കല എന്നതിനേക്കാൾ സംഭവിക്കാൻ പോകുന്നതിന്റെ കലയാണ്‌. ഈ നിമിഷത്തിന്റെതെന്നതിനെക്കാൾ അടുത്തനിമിഷത്തിന്റെ കലയാണ്.
“പറക്കുന്ന
പക്ഷിയെ
പ്രതീക്ഷിച്ചു വേണം
ഇരിക്കുന്ന
പക്ഷിയെ
പകർത്താൻ”
ആ അർത്ഥത്തിൽ ഫോട്ടോഗ്രാഫർ നോക്കുന്നത് ഭാവിയിലേക്കാണെന്ന് പറയാം. കാണുന്നതിനപ്പുറമാണ് ആ കാഴ്ച. മുന്നിലുള്ള മൂർത്തതയെയാണ് പകർത്തുന്നതെങ്കിലും ഭാവനയിലുള്ള അമൂർത്തതയെയാണ് ആവിഷ്‌കരിക്കുന്നത്.
വേറൊരു രീതിയിൽ പറഞ്ഞാൽ ഭാവികാലത്തിന് ഭൂതകാലത്തെ ഓർമിക്കാനുള്ള ഏറ്റവും നല്ല ഉപാധികൾ കൂടിയാണ് ഫോട്ടോഗ്രാഫുകൾ. അതേ, അയാളുടെ കാലുകൾ വർത്തമാനത്തിലാണ്. അവിടെനിന്ന് അയാൾ/അവൾ ഭാവിയിലേക്ക് നോക്കുന്നു. ഭാവി അയാളിലൂടെ പോയകാലത്തിലേക്ക് നോക്കുന്നു. അങ്ങനെ കാലം കാമറക്കണ്ണിൽ ഘനീഭവിച്ചു  കിടക്കുന്നു.

arteria pratap joseph 1

arteria pratap joseph 2

arteria pratap joseph 3

arteria pratap joseph 4


ആത്മ ഓൺലൈൻ വാട്ട്സാപ്പിൽ ലഭിക്കാൻ ഇവിടെ ക്ലിക്ക് ചെയ്യുക

ആത്മ ഓൺലൈനിലേക്ക് നിങ്ങൾക്കും സൃഷ്ടികൾ അയക്കാം: (ഫോട്ടോയും ഫോണ്‍ നമ്പറും സഹിതം)
Email : editor@athmaonline.in

ആത്മ ഓൺലൈനിൽ പ്രസിദ്ധീകരിക്കുന്ന രചനകളിലെ അഭിപ്രായങ്ങൾ രചയിതാക്കളുടേതാണ്. അവ പൂർണമായും ആത്മയുടെ അഭിപ്രായങ്ങൾ ആകണമെന്നില്ല.

LEAVE A REPLY

Please enter your comment!
Please enter your name here

Latest articles

ഹരീഷ് പേങ്ങൻ അന്തരിച്ചു

മലയാളസിനിമയിലെ പുതിയ ചിരി മുഖങ്ങളിൽ പ്രധാനിയായിരുന്ന ഹരീഷ് പേങ്ങൻ അന്തരിച്ചു. കരൾ സംബന്ധമായ അസുഖത്തെ തുടർന്ന് ഏറെ നാളായി...

പ്രാണാ അക്കാദമി ‘നിത്യകല്യാണി’ പുരസ്‌കാരം കലാ വിജയന്

പ്രാണാ അക്കാദമി ഓഫ് പെർഫോമൻസ് ആർട്സ് ട്രസ്റ്റ് ഏർപ്പെടുത്തിയ, ഗുരു കലാമണ്ഡലം കല്യാണിക്കുട്ടിയമ്മയുടെ പേരിലുള്ള, 'നിത്യകല്യാണി' പുരസ്കാരം പ്രഖ്യാപിച്ചു....

സ്വപ്നവും മിഥ്യയും ജീവിതത്തിന്റെ പാലങ്ങളും

ആത്മാവിന്റെ പരിഭാഷകൾ (സിനിമ, കവിത, സംഗീതം ) ഭാഗം 19 ഡോ രോഷ്നി സ്വപ്ന To you, I'm an atheist. To God, I'm the...

ഉപേക്ഷിക്കപ്പെട്ട നഗരത്തിന്റെ പാസ്സ്‌വേർഡ്

കവിത നിമ. ആർ. നാഥ്‌ നിന്നെയോർക്കുന്നു. ഉയിരിൽ നിന്നും ഇറങ്ങിപ്പോയൊരു നിഴൽ. ഉടലിൽ നിന്നും വേർപെട്ടു നിൽക്കുന്നോരവയവം. സമുദ്രജലവഴുപ്പ്. ഗർഭദ്രവഗന്ധം. ദിശതെറ്റിയുറഴി ചുഴിയരികുകളിൽ- ചുംബിക്കുന്നൊരു കപ്പൽ. ഉഗ്രതയുള്ള കരിമ്പുലിയെന്നവണ്ണം- മുരണ്ടമറുന്ന കറുത്ത റോയൽ...

More like this

ഹരീഷ് പേങ്ങൻ അന്തരിച്ചു

മലയാളസിനിമയിലെ പുതിയ ചിരി മുഖങ്ങളിൽ പ്രധാനിയായിരുന്ന ഹരീഷ് പേങ്ങൻ അന്തരിച്ചു. കരൾ സംബന്ധമായ അസുഖത്തെ തുടർന്ന് ഏറെ നാളായി...

പ്രാണാ അക്കാദമി ‘നിത്യകല്യാണി’ പുരസ്‌കാരം കലാ വിജയന്

പ്രാണാ അക്കാദമി ഓഫ് പെർഫോമൻസ് ആർട്സ് ട്രസ്റ്റ് ഏർപ്പെടുത്തിയ, ഗുരു കലാമണ്ഡലം കല്യാണിക്കുട്ടിയമ്മയുടെ പേരിലുള്ള, 'നിത്യകല്യാണി' പുരസ്കാരം പ്രഖ്യാപിച്ചു....

സ്വപ്നവും മിഥ്യയും ജീവിതത്തിന്റെ പാലങ്ങളും

ആത്മാവിന്റെ പരിഭാഷകൾ (സിനിമ, കവിത, സംഗീതം ) ഭാഗം 19 ഡോ രോഷ്നി സ്വപ്ന To you, I'm an atheist. To God, I'm the...