ഗ്രീൻ ടീ

ജിഷ്ണു കെ.എസ്

പിറന്നാൾ സമ്മാനമായി
രണ്ടു പൊതിക്കെട്ടുകൾ
ജൂഡ് ഫെങ്
എനിക്കയച്ചു തന്നു.
ഈയിടെയായി
പതിവ് ജോഗ്ഗിങ്ങ് കഴിഞ്ഞ്
അതിൽ നിന്നും
ചുരുണ്ട വേര് കണക്കെയുള്ള
നരച്ച ഇലകൾ
രണ്ടു നുള്ളെടുത്ത്
തിളയ്ക്കും വെള്ളത്തിലിടും;
അതിൽ കിടന്നവൾ
മെല്ലെ ഉടൽ നിവർത്തി
ഇളം പച്ച കുടഞ്ഞിട്ട്
കൈകൾ വിടർത്തും.
അവളുടെ ചിരിയിലേയ്ക്ക്
ഞാനൊരല്പം തേനിറ്റിച്ച്
ചുണ്ടോട് ചേർക്കും.

കോട്ടയം, കുടമാളൂർ സ്വദേശി. വിവിധ സോഷ്യൽ മീഡിയകളിൽ കവിതകൾ എഴുതുന്നു. ബാംഗ്ലൂരിൽ ഒരു മൾട്ടിനാഷണൽ ഐടി കമ്പിനിയിൽ ഹ്യൂമൻ റിസോർസ് മാനേജറായി ജോലി ചെയ്യുന്നു.

ബ്ലോഗ്: https://ksjishnu.wordpress.com/

…
ആത്മ ഓൺലൈൻ വാട്ട്സാപ്പിൽ ലഭിക്കാൻ ഇവിടെ ക്ലിക്ക് ചെയ്യുക

ആത്മ ഓൺലൈനിലേക്ക് നിങ്ങൾക്കും സൃഷ്ടികൾ അയക്കാം: (ഫോട്ടോയും ഫോണ്‍ നമ്പറും സഹിതം)
editor@athmaonline.in , WhatsApp : 9048906827

ആത്മ ഓൺലൈനിൽ പ്രസിദ്ധീകരിക്കുന്ന രചനകളിലെ അഭിപ്രായങ്ങൾ രചയിതാക്കളുടേതാണ്. അവ പൂർണമായും ആത്മയുടെ അഭിപ്രായങ്ങൾ ആകണമെന്നില്ല.