ഇലവഴികൾ

22nd July 2022

499

ഫോട്ടോ സ്റ്റോറീസ്

പ്രതാപ് ജോസഫ്

“It is an illusion that photos are made with the camera… they are made with the eye, heart, and head.”

-Henri Cartier-Bresson

ഫോട്ടോഗ്രാഫി പുറത്തുള്ളതിനെ പകർത്തുന്ന കലയാണ് എന്നാണ് പരക്കെയുള്ള വിശ്വാസമെങ്കിലും മറ്റേത് കലയും പോലെ അത് അകത്തുള്ളതിന്റെ ആവിഷ്കാരമാണ്. പുറമേയുള്ളതൊക്കെയും ഒരു കണ്ണാടിപോലെ അകത്തുള്ളയാളെ കാണിച്ചുതരുന്നു. വൈകുന്നേരത്തെ ഏകാന്തമായ നടത്തങ്ങൾ സമ്മാനിച്ചവയാണ് ഈ ഇലച്ചിത്രങ്ങളൊക്കെയും. കല പോലെ നടത്തവും ഒരേ സമയം അകത്തേക്കും പുറത്തേക്കുമാണ്. അകത്തുള്ളയാളാണ് നടത്തത്തിന്റെ താളവും ലയവും തീരുമാനിക്കുന്നത്. ചതഞ്ഞരഞ്ഞ ഇലകളെക്കാൾ മാനുഷ്യാവസ്ഥയെ പ്രതിനിധീകരിക്കാൻ ഏത് രൂപകമാണ് നമ്മുടെ മുന്നിലുള്ളത്. പക്ഷേ ഇലകൾ അത് മാത്രമല്ല, ചിലപ്പോൾ പ്രണയ ചിഹ്നമായും ( തകർന്ന ഒരു പ്രണയിയെ സങ്കല്പിച്ചു നോക്കൂ) ചിലപ്പോൾ പ്രപഞ്ചത്തിന്റെ തന്നെ ഹൃദയമായും അത് മാറുന്നു. വെറുതെ നടക്കുമ്പോൾ ആളുകൾ പറിച്ചെറിയുന്ന പുൽനാമ്പുകളാവട്ടെ രണ്ടുവണ്ടി കയറിയിറങ്ങുമ്പോഴേക്കും നമ്പൂതിരി ചിത്രങ്ങളായി പരിണമിക്കുന്നു. ആർട്ടിസ്റ്റ് നമ്പൂതിരിക്ക് നന്ദി അല്ലെങ്കിൽ ഇതിൽ പല ഫോട്ടോഗ്രാഫുകളും സംഭവിക്കില്ലായിരുന്നു.