മാധുരി ദീക്ഷിത്, സഞ്ജയ് ദത്ത്, വരുണ്‍ ധവാന്‍, ആലിയ ഭട്ട്, ആദിത്യ റോയ് കപൂര്‍, സൊനാക്ഷി സിന്‍ഹ എന്നിങ്ങനെ വലിയ താരനിരയെത്തുന്ന ‘കലങ്കിന്റെ ട്രെയിലര്‍ പുറത്തിറങ്ങി. പ്രണയും പ്രണയ നഷ്ടവും മനുഷ്യ ബന്ധങ്ങളിലെ സങ്കീര്‍ണതകളുമാണ് ചിത്രത്തിന്റെ പ്രമേയം. 1945-ലെ സ്വാതന്ത്ര്യത്തിനു മുമ്പുള്ള കഥയാണ് ചിത്രം പറയുന്നത്.
ചേതന്‍ ഭഗതിന്റെ നോവലിനെ ആസ്പദമാക്കി ‘2 സ്റ്റേറ്റ്‌സ്’ എന്ന ചിത്രമൊരുക്കിയ അഭിഷേക് വര്‍മ്മനാണ് ചിത്രം സംവിധാനം ചെയ്യുന്നത്. ആദിത്യ റോയ് കപൂറും വരുണ്‍ ധവാനുമാണ് നായികാ, നായകന്മാര്‍. ഇരുപത്തിയൊന്ന് വര്‍ഷങ്ങള്‍ക്കുശേഷം മാധുരി ദീക്ഷിതും സഞ്ജയ് ദത്തും ഒന്നിക്കുന്നു എന്ന പ്രത്യേകതയുമുണ്ട് ചിത്രത്തിന്. ഏപ്രില്‍ 17-ന് ചിത്രം റിലീസിനെത്തുന്നത്.