പൂന ദര്‍പ്പണ്‍ ആര്‍ട്ട് ഗാലറിയില്‍ ജൂണ്‍ 13ന് സംഘ ചിത്ര പ്രദര്‍ശനം ആരംഭിക്കുന്നു. സാഗ ക്രിയേറ്റീവ് ഫോറത്തിന്റെ നേതൃത്വത്തിലാണ് ‘ഇന്‍സൈറ്റ്’ എന്ന ചിത്രപ്രദര്‍ശനം സംഘടിപ്പിക്കുന്നത്. പ്രശസ്ത ചിത്രകാരന്‍ ഡോ. മുരളി ലത്തോട്ടി പ്രദര്‍ശനം ഉദ്ഘാടനം നിര്‍വഹിക്കും. സാഗ ക്രിയേറ്റീവ് ഫോറത്തിന്റെ രണ്ടാമത്തെ ചിത്ര പ്രദര്‍ശനമാണിത്. ഗോവിന്ദന്‍ കണ്ണപുരം, അനീഷ് ആര്യ, ഗോവിന്ദന്‍ മണ്ടൂര്‍, സന്തോഷ് ചുണ്ട, ബിജു പാണപ്പുഴ, മഹിജ സുരേഷ്, സോണി ലിബിന്‍, രുപാലി മിസ്തിരി, കെ.പി രാജേന്ദ്രന്‍, കെ.കെ.ആര്‍ വേങ്ങര എന്നിവരുടെ ചിത്രങ്ങളാണ് പ്രദര്‍ശനത്തിനെത്തുന്നത്. ജൂണ്‍ 19ന് പ്രദര്‍ശനം സമാപിക്കും.
