പാലക്കാട്: കേരള കാര്‍ട്ടൂണ്‍ അക്കാദമിയും അഹല്യ ഹെറിറ്റേജ് വില്ലേജും സംയുക്തമായി ‘കാര്‍ട്ടൂണ്‍ കൂട്ടം’ സംഘടിപ്പിക്കുന്നു. മോഹൻദാസ് ഉൾപ്പെടെ മലയാള കാര്‍ട്ടൂണ്‍ രംഗത്തെ അമ്പതില്‍പരം പ്രമുഖ കാര്‍ട്ടൂണിസ്റ്റുകളാണ് ഡിസംബര്‍ 22, 23 തിയ്യതികളിലായി അഹല്യ ഹെറിറ്റേജ് വില്ലേജില്‍ വെച്ച് നടക്കുന്ന പരിപാടിയില്‍ പങ്കെടുക്കുന്നത്.
കുട്ടികള്‍ക്കും മുതിര്‍ന്നവര്‍ക്കും ഒരു പോലെ പങ്കെടുക്കാന്‍ പറ്റുന്ന രീതിയിലാണ് പരിപാടി സംഘടിപ്പിക്കുന്നത്. ഇതിനോടനുബന്ധിച്ച് ഡിസംബര്‍ 20നുള്ളില്‍ മുന്‍കൂട്ടി രജിസ്റ്റര്‍ ചെയ്യുന്നവര്‍ക്ക് അവരുടെ കാരിക്കേച്ചര്‍ സൗജന്യമായി വരച്ച് കൊടുക്കും. കൂടാതെ മലയാള കാര്‍ട്ടൂണിന്റെ 100 വര്‍ഷത്തെ രചനകളിലെ പ്രമുഖമായ 500ല്‍പരം സൃഷ്ടികളുടെ പ്രദര്‍ശനവും ഉണ്ടായിരിക്കും. താല്‍പര്യമുള്ളവര്‍ പേര്, വയസ്, അഡ്രസ് എന്നിവ സഹിതം താഴെയുള്ള വാട്‌സാപ്പ് നമ്പറിലേക്ക് KCK എന്നു മെസേജ് അയക്കുക.
ഫോണ്‍: 89218 25733
