അങ്കമാലി ഡയറീസിലൂടെ മലയാളികളുടെ പ്രിയതാരങ്ങളിലൊരാളായി മാറിയ ആന്റണി വർഗീസ് മുഖ്യവേഷത്തിലെത്തുന്ന “ആനപ്പറമ്പിലെ വേൾഡ്കപ്പിന്റെ” ട്രെയിലർ ഇന്നിറങ്ങും. കൊച്ചി, കലൂർ അന്താരാഷ്ട്ര സ്റ്റേഡിയത്തിൽ നടക്കുന്ന താരസമ്പന്നമായ പരിപാടിയിലാണ് ചിത്രത്തിന്റെ ട്രെയിലർ പുറത്തിറക്കുന്നത്. ഒപ്പം, മ്യൂസിക് ലോഞ്ചും നടക്കുമെന്ന് അണിയറ പ്രവർത്തകർ അറിയിച്ചു.
സിനിമയിലെ പ്രധാന അഭിനേതാക്കളായ ആന്റണി വർഗീസ്, ബാലു വർഗീസ്, ലുക്ക്മാൻ, ടീജി രവി, ജുമാന എന്നിവർക്കൊപ്പം, കേരളാ ഫുട്‍ബോളിലെ ഒരുപിടി മുൻ താരങ്ങളും പരിപാടിയിൽ പങ്കെടുക്കും. ഐ.എം വിജയൻ, ജോപോൾ അഞ്ചേരി, ആസിഫ് സഹീർ എന്നിവരും, കമന്ററിയിലൂടെ മലയാളികൾക്ക് ചിരപരിചതനായ ഷൈജു ദാമോദരനും പരിപാടിയുടെ ഭാഗമാകും. വൈകീട്ട് 6:30 ന് നടക്കുന്ന പരിപാടിയിൽ പ്രവേശനം സൗജന്യമാണ്. നിഖിൽ പ്രേമം രാജ് സംവിധാനം ചെയ്യുന്ന ചിത്രം, ഫുട്‍ബോൾ പശ്‌ചാത്തലമാക്കിയാണ് കഥ പറയുന്നത്.
ആത്മ ഓൺലൈൻ വാട്ട്സാപ്പിൽ ലഭിക്കാൻ ഇവിടെ ക്ലിക്ക് ചെയ്യുക
ആത്മ ഓൺലൈനിലേക്ക് സാഹിത്യ – സാംസ്‌കാരിക രംഗത്തെ വാർത്തകൾ അയക്കാം : (ഫോട്ടോയും ഫോണ്‍ നമ്പറും സഹിതം)
Email : editor@athmaonline.in
ആത്മ ഓൺലൈനിൽ പ്രസിദ്ധീകരിക്കുന്ന രചനകളിലെ അഭിപ്രായങ്ങൾ രചയിതാക്കളുടേതാണ്. അവ പൂർണമായും ആത്മയുടെ അഭിപ്രായങ്ങൾ ആകണമെന്നില്ല.