തിരുവനന്തപുരം: റിനീഷ് തിരുവള്ളൂര്‍ എഴുതിയ ‘പിണറായി വിജയൻ: ദേശം – ഭാഷ – ശരീരം’ പുസ്തകത്തിന്‍റെ പ്രകാശനം ജനുവരി 28 തിങ്കൾ വൈകുന്നേരം 3 മണിക്ക് തിരുവനന്തപുരം പ്രസ് ക്ലബ്ബിൽ വെച്ച് നടക്കും. സി പി ഐ എം സംസ്ഥാന സെക്രട്ടറി കോടിയേരി ബാലകൃഷ്ണൻ മധുപാലിന് നൽകി പ്രകാശനം നിര്‍വഹിക്കും. ഡോ: പി എസ് ശ്രീകല അധ്യക്ഷത വഹിക്കും. എ വി അനില്‍കുമാര്‍ പുസ്തക പരിചയം നടത്തും. ആനാവൂര്‍ നാഗപ്പന്‍, സുജ സൂസന്‍ ജോര്‍ജ്ജ്, എസ്. കെ സജീഷ്, ഡോ: മുഹമ്മദ്‌ അഷീല്‍, സുമേഷ് ഇന്‍സൈറ്റ്, റിനീഷ് തിരുവള്ളൂര്‍ എന്നിവര്‍ സംസാരിക്കും.
‘ഇന്‍സൈറ്റ് പബ്ലിക്ക’ പ്രസിദ്ധീകരിക്കുന്ന പുസ്തകത്തില്‍ കേരളത്തിൽ കമ്യൂണിസ്റ്റ് പാർട്ടി രൂപീകൃതമായ പിണറായി പാറപ്രത്തിന്‍റെ ചരിത്രം മുതൽ വനിതാ മതിൽ വരെയുള്ള രാഷ്ട്രീയ സാമൂഹ്യ ഇടപെടലുകൾ ചർച്ച ചെയ്യുന്നുണ്ട്. പിണറായി വിജയന്‍റെ ഭാഷയും ശൈലിയും നിലപാടുകളും ഏറ്റുവാങ്ങേണ്ടിവന്ന ലോക്കപ്പ് മർദ്ദനവും നിയമസഭാപ്രസംഗവും ഉൾപ്പെടെ പുസ്തകത്തിൽ വിവരിക്കുന്നുണ്ട്.