കാസര്‍ഗോഡ്: ധര്‍മ്മി സ്‌കൂള്‍ ഓഫ് ആര്‍ട്‌സ് ആന്റ് കള്‍ച്ചറല്‍ സെന്ററിന്റെ നേതൃത്വത്തില്‍ നവരാത്രി ആഘോഷ പരിപാടികള്‍ സംഘടിപ്പിക്കുന്നു. മാവുങ്കല്‍ ശ്രീരാമ ക്ഷേത്രത്തില്‍ വെച്ച് നടക്കുന്ന പരിപാടികള്‍ ഒക്ടോബര്‍ 14ന് രാവിലെ 10 മണിയോടെ ആരംഭിക്കും. ഇതോടൊപ്പം ധര്‍മ്മിയില്‍ നിന്ന് ശിക്ഷണം സ്വീകരിച്ച കുരുന്നുകളുടെ അരങ്ങേറ്റവും നടക്കും. തുടര്‍ന്നുള്ള ദിവസങ്ങളില്‍ വിവിധ കലാപരിപാടികള്‍ അരങ്ങേറും. കൂടാതെ ഒക്ടോബര്‍ 19ന് രാവിലെ 9 മണിയോടെ ധര്‍മ്മിയില്‍ വെച്ച് കുഞ്ഞുങ്ങള്‍ വിദ്യാരംഭം കുറിക്കും.