അന്നൂര്‍: ആക്ഷേപഹാസ്യത്തിലൂടെ മലയാളികളെ ചിന്തിപ്പിക്കുകയും, ചിരിപ്പിക്കുകയും ചെയ്ത സഞ്ജയന്റെ ഓര്‍മ്മദിനമായ സെപ്റ്റംബര്‍ 13-ന് വ്യാഴാഴ്ച വൈകുനേരം 5 മണിക്ക്, കെ. പി. സ്മാരക ഹാളില്‍ സഞ്ജയ ദിനാചരണവും പുസ്തക പ്രകാശനവും നടക്കും. സഞ്ജയന്‍ അനുസ്മണത്തിലൂടെ ഒരു കാലഘട്ടത്തെ ഓര്‍ത്തെടുക്കുകയാണ് ചെയ്യുന്നത്.
പയ്യന്നൂര്‍ കോളേജിലെ മലയാള വിഭാഗം മേധാവി ഡോ: പി. പ്രജിത സഞ്ജയന്‍ അനുസ്മരണം നടത്തും. തുടര്‍ന്ന് കേരള കാര്‍ഷിക സര്‍വ്വകലാശാല പിലിക്കോട് കേന്ദ്രത്തില്‍ നിന്നും വിരമിച്ച പ്രൊഫ: എന്‍. എന്‍. രാമന്‍കുട്ടി രചിച്ച ‘സഞ്ജയനും ചാര്‍ളി ചാപ്ലിനും’ എന്ന പുസ്തകത്തിന്റെ പ്രകാശനം എ. ഗംഗാധരന്‍, കെ. രാമചന്ദ്രന് നല്‍കികൊണ്ട് നിര്‍വഹിക്കും. എന്‍. ബാലകൃഷ്ണന്‍ പുസ്തകം പരിചയപ്പെടുത്തും.