ദക്ഷിണേന്ത്യയിൽ ആദ്യമായി  ‘മാത്ര’ ( Music Academy for Tabla Research by Anindo Chaterjee) അവതരിപ്പിക്കുന്ന തബല വർക്ക്ഷോപ്പ് കേരളത്തിൽ മലപ്പുറം ജില്ലയിലെ തിരൂർ തുഞ്ചൻ പറന്പില്‍ 2017 മെയ് 22,23,24 തിയ്യതികളിലായി നടക്കുന്നു.

വിശ്വവിഖ്യാതനായ തബല വാദകൻ പണ്ഡിറ്റ് അനിന്ദോ ചാറ്റർജിയുടെ ശിഷ്യനും മകനുമായ അനുബ്രദ ചാറ്റർജിയാണ് നേതൃത്വം നൽകുന്നത്. അനുബ്രദ ചാറ്റർജി യുവതലമുറയിലെ പ്രഗൽഭരായ തബല വാദകരിൽ ഒരാളാണ്. ഫാറൂക്കാബാദ് ഖരാനയുടെ വാദശൈലിയുടെ സൗന്ദര്യം മനസ്സിലാക്കാനും സ്വായത്തമാക്കാനുമുള്ള അസുലഭ അവസരമാണിത്.

ഹിന്ദുസ്ഥാനി സംഗീതത്തിന് ഇന്ന് കേരളത്തിൽ ഉണ്ടായിക്കൊണ്ടിരിക്കുന്ന സ്വീകാര്യതക്ക്  അവശ്യം വേണ്ട ഘടകമാണ് ശരിയായ രീതിയിലുള്ള തബലവാദനം. അതിന് കേരളത്തിലെ തബല വാദകരെ പ്രാപ്തരാക്കുക എന്ന മഹത്തായ ലക്ഷ്യത്തിലേക്കുള്ള ‘മാത്ര’യുടെ ആദ്യ കാൽവെയ്പാണ് മലയാള ഭാഷയുടെ പിതാവായ തുഞ്ചത്തെഴുത്തച്ഛൻറെ ജന്മം കൊണ്ട് ധന്യമായ തുഞ്ചൻ പറന്പിൽ നിന്ന് തുടങ്ങുന്നത്.

മലബാറിലെ ഹിന്ദുസ്ഥാനി സംഗീതത്തിൻറെ പ്രചരണത്തിനും സ്വീകാര്യതക്കും നാം കടപ്പെട്ടിരിക്കുന്നത്  പ്രവർത്തനം നടത്തിയിരുന്ന ഷാ ഉസ്താദ്, വിൻസെൻറ് ഉസ്താദ് എന്നീ അതുല്യ കലാകാരൻമാരോടാണ്. അതുകൊണ്ടുതന്നെ  ‘മാത്ര’യുടെ ഈ സംരംഭം ഈ ഗുരുനാഥന്മാരുടെ പാവനസ്മരണക്കു മുന്നില്‍ ഒരു താളാഞ്ജലിയായാണ് കണക്കാക്കുന്നത്.

ഏപ്രിൽ 15 വരെ രജിസ്റ്റർ ചെയ്യുന്ന 30 പേർക്ക് മാത്രമാണ് പ്രവേശനം. മൂന്ന് ദിവസത്തെ ഡോർമിറ്ററി താമസവും ഭക്ഷണവും ഉൾപ്പെടെ 3000 രൂപ.

വിശദ വിവരങ്ങൾക്ക്.
ഹരി ആലങ്കോട് – 8943 370 047