തിരുവനന്തപുരം : കുവൈറ്റ് കല ട്രസ്റ്റിന്റെ വി. സാംബശിവൻ സ്മാരകപുരസ്കാരത്തിന് നാടകസംവിധായകൻ ഇബ്രാഹിം വെങ്ങര അർഹനായതായി ട്രസ്റ്റ് ചെയർമാൻ എം.വി ഗോവിന്ദൻ, സെക്രട്ടറി ചന്ദ്രമോഹൻ പനങ്ങാട് എന്നിവർ അറിയിച്ചു. 25000 രൂപയും പ്രശസ്തിപത്രവും അടങ്ങുന്നതാണ് പുരസ്കാരം.
തിരുവനന്തപുരം ചാക്ക ജംഗ്ഷനിലെ വൈ. എം. എ ഹാളിൽ ആഗസ്റ്റ് ആറിന് നടക്കുന്ന ചടങ്ങിൽ മുഖ്യമന്ത്രി പിണറായി വിജയൻ സമ്മാനിക്കും. 2017 ലെ എസ്.എസ്.എൽ.സി പരീക്ഷയിൽ ഉന്നതവിജയം നേടിയ നിർദ്ധന വിദ്യാർത്ഥികൾക്ക് കല ട്രസ്റ്റ് ഏർപ്പെടുത്തിയ എൻറോവ്മെൻറും ചടങ്ങിൽ വിതരണം ചെയ്യും. സംസ്ഥാനത്തെ 14 ജില്ലകളിൽ നിന്നും തെരഞ്ഞെടുത്ത 28 കുട്ടികൾക്ക് 5000 രൂപ വീതമാണ് എൻഡോവ്മെന്റ് നൽകുന്നത്.