കണ്ണൂർ, എറണാകുളം ജില്ലകളിൽ നാളെ ഭാഗിക അവധി. തളിപ്പറമ്പ്, ഇരിട്ടി താലൂക്കിലെ വിദ്യാഭ്യാസ സ്ഥാപനങ്ങൾക്ക് നാളെയും (10-8-18) അവധി. മഴക്കെടുതി രൂക്ഷമായി തുടരുന്ന സാഹചര്യത്തിലാണ് തളിപ്പറമ്പ്, ഇരിട്ടി താലൂക്കുകളിലെ പ്രഫഷണൽ കോളേജ് ഉൾപ്പെടെയുള്ള വിദ്യാഭ്യാസ സ്ഥാപനങ്ങൾക്കും അങ്കണവാടികൾക്കും വെള്ളിയാഴ്ച്ച ജില്ലാ കലക്ടർ അവധി പ്രഖ്യാപിച്ചത്.
ഇടുക്കി ഡാമിന്റെ ഭാഗമായുള്ള ചെറുതോണി അണക്കെട്ടിന്റെ അഞ്ചു ഷട്ടറുകളും നാളെ രാവിലെ ആറിന് തുറക്കുന്നതിനാല്‍ എറണാകുളം ജില്ലയിലെ കോതമംഗലം, കുന്നത്തുനാട്, ആലുവ, പറവൂര്‍ താലൂക്കുകളിലെ പ്രൊഫഷണല്‍ കോളേജുകള്‍ അടക്കം എല്ലാ വിദ്യാഭ്യാസ സ്ഥാപനങ്ങള്‍ക്കും 10-08-2018 വെള്ളിയാഴ്ച്ച ജില്ലാ കളക്ടര്‍ അവധി പ്രഖ്യാപിച്ചു.
കടമക്കുടി ഗ്രാമപഞ്ചായത്തിലെ വിദ്യാലയങ്ങള്‍ക്കും അവധിയായിരിക്കും. സ്റ്റേറ്റ്, സിബിഎസ്ഇ, ഐസിഎസ്ഇ, ഐഎസ്ഇ സ്കൂളുകള്‍, കേന്ദ്രീയവിദ്യാലയങ്ങള്‍, അംഗനവാടികള്‍ എന്നിവയ്ക്കെല്ലാം അവധി ബാധകമാണ്.
വയനാട്, പാലക്കാട് ജില്ലയിൽ പൂർണ്ണമായും ഇടുക്കിയിൽ ഭാഗികമായും നേരത്തെ അവധി പ്രഖ്യാപിച്ചിരുന്നു.