പാലക്കാട്: സുല്‍ത്താന്‍ പേട്ടയിലെ ജില്ലാ പബ്ലിക് ലൈബ്രറിയില്‍ വെച്ച് നവംബര്‍ 10ന് രാവിലെ 10 മണിയ്ക്ക് പുസ്തക ചര്‍ച്ച സംഘടിപ്പിക്കുന്നു. വിമര്‍ശകനും വിക്ടോറിയ കോളേജ് റിട്ട. പ്രിന്‍സിപ്പലുമായ ഡോ. പി മുരളി പരിപാടിയുടെ ഉദ്ഘാടനം നിര്‍വഹിക്കും. സി. ഗണേഷ്, മഹേന്ദര്‍ എന്നിവര്‍ ചേര്‍ന്ന് രചന നിര്‍വഹിച്ച ‘ഇണ / ജീവിതം ദ എന്‍ട്രോപി’ എന്ന നോവലാണ് ചര്‍ച്ചയ്ക്ക് വിഷയമാകുന്നത്. കഥാകൃത്തുക്കളായ രാജേഷ് മേനോന്‍, മിനി എംബി, ദേവി പ്രസാദ്, നിരൂപക ലതാ നായര്‍, സിറാജ് കൊടുവായൂര്‍ തുടങ്ങിയവര്‍ ചര്‍ച്ചയില്‍ പങ്കെടുക്കും.