കേരളത്തിന് 1 കോടി സഹായ ധനം പ്രഖ്യാപിച്ച് എആര്‍ റഹ്മാന്‍. അമേരിക്കയില്‍ സംഘടിപ്പിച്ച മ്യൂസിക് ഷോയില്‍ വെച്ചാണ് അദ്ദേഹം ധനസഹായം പ്രഖ്യാപിച്ചത്. ‘നിങ്ങള്‍ക്ക് ഒരു ചെറിയ ആശ്വാസം നല്‍കാന്‍ ഈ ചെറിയ സഹായം കൊണ്ട് സാധിക്കട്ടെ’ എന്ന് അദ്ദേഹം തന്റെ ഫേസ്ബുക്കില്‍ എഴുതി.
കുറച്ച് ദിവസങ്ങള്‍ക്ക് മുന്‍പ് ഓക്ലാഡില്‍ നടന്ന സംഗീത നിശയില്‍ ഇന്ത്യന്‍ സംഗീത മാന്ത്രികന്‍ എ.ആര്‍ റഹ്മാന്‍ പാടിയത് കേരളത്തിന് വേണ്ടിയായിരുന്നു. കാതല്‍ ദേശം എന്ന ചിത്രത്തിലെ സൂപ്പര്‍ഹിറ്റ് നമ്പറായ ‘മുസ്തഫ മുസ്തഫ’ എന്ന ഗാനത്തിന്റെ വരികള്‍ മാറ്റി ‘കേരള കേരള ഡോണ്ട് വറി കേരള’ എന്നാണ് അദ്ദേഹം പാടിയത്. നിറഞ്ഞ കയ്യടികളോടെയാണ് റഹ്മാന്റെ ഗാനത്തെ ആരാധകര്‍ വരവേറ്റത്.