തിരുവനന്തപുരം: 23-ാമത് രാജ്യാന്തര ചലച്ചിത്ര മേളയുടെ പാസിന് അപേക്ഷിക്കാനുള്ള തീയതി ഡിസംബര്‍ 7 വരെ നീട്ടി. ഡെലിഗേറ്റ്, മീഡിയ, ഫിലിം ആന്‍ഡ് ടി വി പ്രൊഫഷണല്‍, വിദ്യാര്‍ഥികള്‍ തുടങ്ങിയ വിഭാഗങ്ങള്‍ക്ക് ചലച്ചിത്ര അക്കാദമിയുടെ ശാസ്തമംഗലത്തെ ഓഫീസ് വഴിയും ഓണ്‍ലൈനിലൂടെയും രജിസ്റ്റര്‍ ചെയ്യാം. ഡെലിഗേറ്റ്, മീഡിയ, ഫിലിം ആന്‍ഡ് ടി വി പ്രൊഫഷണല്‍ വിഭാഗക്കാര്‍ക്ക് 2000 രൂപയും വിദ്യാര്‍ത്ഥികള്‍ക്ക് 1000 രൂപയുമാണ് രജിസ്‌ട്രേഷന്‍ ഫീസ്. ഓണ്‍ലൈന്‍ ആയി രജിസ്റ്റര്‍ ചെയ്യാന്‍ www.iffk.in എന്ന വെബ്‌സൈറ്റ് സന്ദര്‍ശിക്കുക.