മുംബൈ: മറാത്തി നടി സീമ ദേവ് (81) അന്തരിച്ചു. വാര്‍ധക്യസഹജമായ അസുഖത്തെത്തുടര്‍ന്ന് വ്യാഴാഴ്ച രാവിലെ മുംബൈയിലെ വസതിയില്‍ വെച്ചായിരുന്നു അന്ത്യം. ഹിന്ദിയിലും മറാത്തിയിലുമായി 80-ലധികം ചിത്രങ്ങളില്‍ അഭിനയിച്ചിട്ടുള്ള സീമ ആനന്ദ്, കോര കാഗസ് എന്നീ ചിത്രങ്ങളിലൂടെയാണ് ശ്രദ്ധേയയായത്.
വരദക്ഷിണ, ജഗച്യ പതിവാര്‍ തുടങ്ങിയവയാണ് ശ്രദ്ധേയമായ മറാത്തി ചിത്രങ്ങള്‍. 2021-ല്‍ പുറത്തിറങ്ങിയ ജീവന്‍ സന്ധ്യ എന്ന മറാത്തി ചിത്രത്തിലാണ് ഒടുവിലായി സീമ അഭിനയിച്ചത്.
കഴിഞ്ഞ മൂന്നുവര്‍ഷമായി നടിക്ക് അല്‍ഷിമേഴ് ബാധിച്ചിരുന്നു. അജിങ്ക്യ ദേവ്, അഭിനയ് ദേവ് എന്നിവര്‍ മക്കളാണ്. സന്‍സാര്‍, ഇന്ദ്രജിത്ത് മുതലായ ചിത്രങ്ങളില്‍ അജിങ്ക്യ ദേവ് അഭിനയിച്ചിട്ടുണ്ട്. ഡല്‍ഹി ബെല്ലി, ഫോഴ്‌സ് എന്നീ ചിത്രങ്ങളുടെ സംവിധായകനാണ് അഭിനയ് ദേവ്.
സീമയുടെ ഭര്‍ത്താവും മുതിര്‍ന്ന നടനുമായിരുന്ന രമേഷ് ദേവ് കഴിഞ്ഞ വര്‍ഷമാണ് ഹൃദയാഘാതം മൂലം അന്തരിച്ചത്. 1963-ലാണ് ഇരുവരും വിവാഹിതരായത്.
ആത്മ ഓൺലൈൻ വാട്ട്സാപ്പിൽ ലഭിക്കാൻ ഇവിടെ ക്ലിക്ക് ചെയ്യുക
ആത്മ ഓൺലൈനിലേക്ക് നിങ്ങൾക്കും സൃഷ്ടികൾ അയക്കാം: (ഫോട്ടോയും ഫോണ്‍ നമ്പറും സഹിതം)
Email : editor@athmaonline.in
ആത്മ ഓൺലൈനിൽ പ്രസിദ്ധീകരിക്കുന്ന രചനകളിലെ അഭിപ്രായങ്ങൾ രചയിതാക്കളുടേതാണ്. അവ പൂർണമായും ആത്മയുടെ അഭിപ്രായങ്ങൾ ആകണമെന്നില്ല