‘വേലൈക്കാരന്‍’ എന്ന സൂപ്പര്‍ഹിറ്റ് ചിത്രത്തിനുശേഷം നയന്‍താരയും ശിവകാര്‍ത്തികേയനും ഒന്നിക്കുന്ന ചിത്രമാണ് ‘മിസ്റ്റര്‍ ലോക്കല്‍’. ചിത്രത്തിന്റെ റിലീസ് തിയതി മാറ്റി എന്നതാണ് പുതിയ വിവരം. മെയ് ഒന്നിനാണ് ചിത്രം എത്തുകയെന്നാണ് നേരത്തെ അറിയിച്ചിരുന്നെങ്കിലും ചിത്രത്തിന്റെ റിലീസ് മെയ് 27-ലേക്ക് മാറ്റിയെന്നാണ് റിപ്പോര്‍ട്ട്.
എം. രാജേഷ് സംവിധാനം ചെയ്യുന്ന ചിത്രത്തില്‍ നയന്‍താരയും ശിവകാര്‍ത്തികേയനും എതിരാളികളായാണ് എത്തുന്നത് എന്ന സൂചന ടീസര്‍ തരുന്നുണ്ട്. ശിവകാര്‍ത്തികേയന്‍ നായകനാകുന്ന 13-ാമത്തെ ചിത്രമാണ് മിസ്റ്റര്‍ ലോക്കല്‍. ചിത്രത്തില്‍ സതീഷ്, യോഗി ബാബു, രാധിക ശരത് കുമാര്‍ എന്നിവരും പ്രധാനവേഷത്തിലെത്തുന്നു.