HomeTHE ARTERIASEQUEL 41നിറയെ മുള്ളോളുള്ളയിടം

നിറയെ മുള്ളോളുള്ളയിടം

Published on

spot_imgspot_img

കവിത
ജാബിർ നൗഷാദ്

1

സായഹ്നത്തിനു വിയർപ്പിന്റെ
ഗന്ധമുള്ള രാജ്യത്ത്
നിഴലുകൾ കടലിലേക്ക് നീളുന്നു.
ഒരേ ചായങ്ങളിൽ
മനുഷ്യരെയാകാശം
പെറുക്കി വെക്കുന്നു.
പരസ്പരം ഉരുമിയുരുമി
ബസ്സുകളിൽ നിന്നും ബസ്സിലേക്ക്
വെയില് നീങ്ങുന്നു.
സ്ത്രീകളുടെ മാത്രം വരണ്ട
മുടികളിൽ തലോടി കടന്ന് പോകുന്നു.
ഇവരെല്ലാം ഒരു ദിവസത്തിന്റെ
ഭാരം ഇറക്കിവെക്കുന്നതെവിടെയാണ്.
ഇവരെ കാത്തിരിക്കുന്നതെന്താണ്.
വിഷാദ നക്ഷത്രങ്ങളുടെ
ഉദ്യാനമാണീ രാജ്യം
സൂക്ഷിച്ചു നോക്കിയാൽ
ഒന്ന് കയ്യെത്തിയാൽ
കണ്ണിലേക്കും
ഉള്ളിലേക്കും
പൊടിഞ്ഞു വീഴും.
ഒരു കുട്ടിയെ പോലെ
തിരിഞ്ഞും മറിഞ്ഞും
കിടക്കുന്ന
രാത്രി പകലുകൾ
തെളിഞ്ഞും തെളിയാതെയും
അവന്റെയുള്ളിൽ നക്ഷത്രപൂമ്പൊടി.

2

ഇവിടുത്തെ രണ്ട് കൂട്ടർ
ആത്മഹത്യ ചെയ്തവർ,
ഏറ്റവും കരുത്തനായ
ശത്രുവിനാൽ തന്നെ
കൊല്ലപ്പെട്ടവർ.
അങ്ങനയാണവർ വാക്കുകളെ
മെരുക്കുന്നത്
വേരുകളൂട്ടുന്നത്.
ഉരുട്ടിയുരുട്ടി ഭംഗിയാക്കി വെച്ച
ചോറുരുളകളിലേക്ക് ഓടി
ചെല്ലുന്ന പോലെ.
അവരുടെ നിലം
അനീതിയാലുഴുതു മറിഞ്ഞു കൊണ്ടിരിക്കുന്നു
വേരുകൾ പൊട്ടി
ചുവരുകളിലേക്ക് പടരുന്നു
കാണെക്കാണെ
കറങ്ങുന്നെ ഫാനിൽ
കുരുക്കിടുന്നു
വറ്റിയ ഉറവകളിൽ
മുങ്ങി ചാകാനൊരുങ്ങുന്നു
ഉരുളയിൽ മാത്രം
വിഷം ചേർക്കാതെ,
അന്നം കൊണ്ടും വാക്ക് കൊണ്ടും
ഊട്ടുന്നവർ ഒടുവിൽ
വിശന്നു ചാവുന്നു.

3

ഈ നാടിന്റെ ഞരമ്പുകളിലൂടെ
അതിവേഗമൊഴുകുന്നു
രക്തം,മലം,മൂത്രം.
ഒരു ഭാഷയുടെ പൂമ്പൊടി
മറ്റൊരു ഭാഷയിലേക്ക് നീട്ടുന്നു.
ഒരു വിഷാദരാഗം
കന്യാകുമാരിയിൽ തുടങ്ങുന്നു
അല്ലെങ്കിൽ ഒടുങ്ങുന്നു.
ഒരു കാടിന്റെ
ബഹളങ്ങളിൽ നിന്നും
മറ്റൊരു കാടിന്റെ
ഏകാന്തതയിലേക്ക്.
വരണ്ട തൊണ്ടയിലൂടെ നിറഞ്ഞ
വയറുകളിലേക്ക്,
ഒരു പാമ്പ്,ചിലപ്പോൾ പഴുതാര.
പ്രായം ചെന്ന പാലങ്ങളിലെത്തുമ്പോൾ
ജലത്തെ നോവിക്കാതെ
ക്രോധം കടിക്കുന്നു.
ഞരമ്പുകളിലൊഴുകാൻ
രക്തമില്ലെങ്കിലും ബാക്കിയാവുന്ന
പാടുകളിൽ
ചെടികൾ തളിർക്കുന്നു.
ഓർമയ്ക്ക്.

ആത്മ ഓൺലൈൻ വാട്ട്സാപ്പിൽ ലഭിക്കാൻ ഇവിടെ ക്ലിക്ക് ചെയ്യുക

ആത്മ ഓൺലൈനിലേക്ക് നിങ്ങൾക്കും സൃഷ്ടികൾ അയക്കാം: (ഫോട്ടോയും ഫോണ്‍ നമ്പറും സഹിതം)
Email : editor@athmaonline.in

ആത്മ ഓൺലൈനിൽ പ്രസിദ്ധീകരിക്കുന്ന രചനകളിലെ അഭിപ്രായങ്ങൾ രചയിതാക്കളുടേതാണ്. അവ പൂർണമായും ആത്മയുടെ അഭിപ്രായങ്ങൾ ആകണമെന്നില്ല.

spot_img

LEAVE A REPLY

Please enter your comment!
Please enter your name here

Latest articles

പരാജയങ്ങളില്‍ നിന്ന് വിജയങ്ങളിലേക്ക് കുതിക്കാന്‍ ക്യാപ്റ്റനോളം മറ്റാര്‍ക്കും സാധിക്കില്ല

(ലേഖനം) നിധിന്‍ വി.എന്‍. തൊണ്ണൂറികളില്‍ തമിഴകത്തിന്റെ ആക്ഷന്‍ ഐക്കണായി മാറിയ താരമായിരുന്നു വിജയകാന്ത്. തമിഴകത്തിന്റെ ക്യാപ്റ്റന്‍ എന്നേക്കുമായി വിടവാങ്ങുമ്പോള്‍ തമിഴ് സിനിമയ്ക്കും...

ബോസ് എന്ന സമ്പന്ന ഹൃദയൻ

(ലേഖനം) സുബൈർ സിന്ദഗി പാവിട്ടപ്പുറം സോഷ്യല്‍ മീഡിയകളില്‍ നിറഞ്ഞു നില്‍ക്കുന്ന ഒട്ടേറെ പ്രഗത്ഭരായ വ്യക്തികളുടെ വീഡിയോകളും, വാര്‍ത്തകളും റീല്‍സും മറ്റും കാണാനിടയായിട്ടുണ്ട്....

ജനാധിപത്യത്തെ കൂട്ടക്കശാപ്പ്‌ ചെയ്യാൻ അനുവദിക്കരുത്

(ലേഖനം) സഫുവാനുൽ നബീൽ ടി.പി. ലോകത്തെ ഏറ്റവും വലിയ ജനാധിപത്യ രാജ്യമാണ് ഇന്ത്യം. ആ ഇന്ത്യയിലാണ് ജനങ്ങള്‍ തിരഞ്ഞെടുത്ത ലോക്‌സഭയിലെ 95...

കുസ്റ്റോറിക്കയുടെ അരയന്നങ്ങള്‍

ആത്മാവിന്റെ പരിഭാഷകൾ (സിനിമ കവിത, സംഗീതം) part 2 ഭാഗം 41 ഡോ. രോഷ്നി സ്വപ്ന   ഡോ. രോഷ്നി സ്വപ്ന 'പുഴയൊഴുകിയ വഴിനോക്കി തോണിക്കാരനിരിക്കുന്നു. പക്ഷിയുടെ നെഞ്ചു പോലെ അത്ര മൃദുലമായ് അവന്റെ...

More like this

പരാജയങ്ങളില്‍ നിന്ന് വിജയങ്ങളിലേക്ക് കുതിക്കാന്‍ ക്യാപ്റ്റനോളം മറ്റാര്‍ക്കും സാധിക്കില്ല

(ലേഖനം) നിധിന്‍ വി.എന്‍. തൊണ്ണൂറികളില്‍ തമിഴകത്തിന്റെ ആക്ഷന്‍ ഐക്കണായി മാറിയ താരമായിരുന്നു വിജയകാന്ത്. തമിഴകത്തിന്റെ ക്യാപ്റ്റന്‍ എന്നേക്കുമായി വിടവാങ്ങുമ്പോള്‍ തമിഴ് സിനിമയ്ക്കും...

ബോസ് എന്ന സമ്പന്ന ഹൃദയൻ

(ലേഖനം) സുബൈർ സിന്ദഗി പാവിട്ടപ്പുറം സോഷ്യല്‍ മീഡിയകളില്‍ നിറഞ്ഞു നില്‍ക്കുന്ന ഒട്ടേറെ പ്രഗത്ഭരായ വ്യക്തികളുടെ വീഡിയോകളും, വാര്‍ത്തകളും റീല്‍സും മറ്റും കാണാനിടയായിട്ടുണ്ട്....

ജനാധിപത്യത്തെ കൂട്ടക്കശാപ്പ്‌ ചെയ്യാൻ അനുവദിക്കരുത്

(ലേഖനം) സഫുവാനുൽ നബീൽ ടി.പി. ലോകത്തെ ഏറ്റവും വലിയ ജനാധിപത്യ രാജ്യമാണ് ഇന്ത്യം. ആ ഇന്ത്യയിലാണ് ജനങ്ങള്‍ തിരഞ്ഞെടുത്ത ലോക്‌സഭയിലെ 95...